Haller's Concordance: DIVITIAS

• et dixit Deus Salomoni quia postulasti verbum hoc et non petisti tibi dies multos nec divitias aut animam inimicorum tuorum sed postulasti tibi sapientiam ad discernendum iudicium 3 Ki. 3:11
• sed et haec quae non postulasti dedi tibi divitias scilicet et gloriam ut nemo fuerit similis tui in regibus cunctis retro diebus 3 Ki. 3:13
• dixit autem Deus ad Salomonem quia hoc magis placuit cordi tuo et non postulasti divitias et substantiam et gloriam neque animas eorum qui te oderunt sed nec dies vitae plurimos petisti autem sapientiam et scientiam ut iudicare possis populum meum super quem constitui te regem 2 Par. 1:11
• sapientia et scientia data sunt tibi divitias autem et substantiam et gloriam dabo tibi ita ut nullus in regibus nec ante te nec post te fuerit similis tui 2 Par. 1:12
• sufficiebat enim nobis paupertas nostra ut divitias conputaremus hoc quod videbamus filium nostrum Tob. 5:25
• erat autem eleganti aspectu nimis cui vir suus reliquerat divitias multas et familiam copiosam ac possessiones armentis boum et gregibus ovium plenas Jud. 8:7
• ut ostenderet divitias gloriae regni sui, ac magnitudinem, atque iactantiam potentiae suae, multo tempore, centum videlicet et octoginta diebus. Esther 1:4
• cuius messem famelicus comedet et ipsum rapiet armatus et ebibent sitientes divitias eius Job 5:5
• divitias quas devoravit evomet et de ventre illius extrahet eas Deus Job 20:15
• et non videbit interitum cum viderit sapientes morientes simul insipiens et indoctus peribunt et derelinquent alienis divitias suas Ps. 49:10
• ecce isti impii et abundantes in saeculo multiplicaverunt divitias Ps. 73:12
• egestatem operata est manus remissa manus autem fortium divitias parat Pr. 10:4
• mulier gratiosa inveniet gloriam et robusti habebunt divitias Pr. 11:16
• quid prodest habere divitias stultum cum sapientiam emere non possit Pr. 17:16
• qui calumniatur pauperem ut augeat divitias suas dabit ipse ditiori et egebit Pr. 22:16
• qui coacervat divitias usuris et fenore liberali in pauperes congregat eas Pr. 28:8
• vanitatem et verba mendacia longe fac a me mendicitatem et divitias ne dederis mihi tribue tantum victui meo necessaria Pr. 30:8
• res multae filiae congregaverunt divitias tu supergressa es universas Pr. 31:29
• avarus non implebitur pecunia et qui amat divitias fructus non capiet ex eis et hoc ergo vanitas Eccl. 5:10
• ubi multae sunt opes multi et qui comedant eas et quid prodest possessori nisi quod cernit divitias oculis suis Eccl. 5:11
• et omni homini cui dedit Deus divitias atque substantiam potestatemque ei tribuit ut comedat ex eis et fruatur parte sua et laetetur de labore suo hoc est donum Dei Eccl. 5:19
• vir cui dedit Deus divitias et substantiam et honorem et nihil deest animae eius ex omnibus quae desiderat nec tribuit ei potestatem Deus ut comedat ex eo sed homo extraneus vorabit illud hoc vanitas et magna miseria est Eccl. 6:2
• verti me alio vidique sub sole nec velocium esse cursum nec fortium bellum nec sapientium panem nec doctorum divitias nec artificum gratiam sed tempus casumque in omnibus Eccl. 9:11
• et praeposui illam regnis et sedibus et divitias nihil esse duxi in conparatione illius Wis. 7:8
• onus iumentorum austri in terra tribulationis et angustiae leaena et leo ex eis vipera et regulus volans portantes super umeros iumentorum divitias suas et super gibbum camelorum thesauros suos ad populum qui eis prodesse non poterit Isa. 30:6
• divitias tuas et thesauros tuos in direptionem dabo gratis in omnibus peccatis tuis et in omnibus terminis tuis Jer. 15:13
• perdix fovit quae non peperit fecit divitias et non in iudicio in dimidio dierum suorum derelinquet eas et in novissimo suo erit insipiens Jer. 17:11
• similiter neque divitias dare possunt neque malum retribuere si quis illis votum voverit et non reddiderit nec hoc requirent Bar. 6:34
• an divitias bonitatis eius et patientiae et longanimitatis contemnis ignorans quoniam benignitas Dei ad paenitentiam te adducit Rom. 2:4
• ut ostenderet divitias gloriae suae in vasa misericordiae quae praeparavit in gloriam Rom. 9:23
• quod in multo experimento tribulationis abundantia gaudii ipsorum et altissima paupertas eorum abundavit in divitias simplicitatis eorum 2 Cor. 8:2
• in quo habemus redemptionem per sanguinem eius remissionem peccatorum secundum divitias gratiae eius Eph. 1:7
• ut ostenderet in saeculis supervenientibus abundantes divitias gratiae suae in bonitate super nos in Christo Iesu Eph. 2:7
• mihi omnium sanctorum minimo data est gratia haec in gentibus evangelizare ininvestigabiles divitias Christi Eph. 3:8
• ut det vobis secundum divitias gloriae suae virtute corroborari per Spiritum eius in interiore homine Eph. 3:16
• Deus autem meus impleat omne desiderium vestrum secundum divitias suas in gloria in Christo Iesu Phil. 4:19
• quibus voluit Deus notas facere divitias gloriae sacramenti huius in gentibus quod est Christus in vobis spes gloriae Col. 1:27
• ut consolentur corda ipsorum instructi in caritate et in omnes divitias plenitudinis intellectus in agnitionem mysterii Dei Patris Christi Iesu Col. 2:2
• maiores divitias aestimans thesauro Aegyptiorum inproperium Christi aspiciebat enim in remunerationem Heb. 11:26