Haller's Concordance: DOCTRINAM

• pones autem in rationali iudicii doctrinam et veritatem quae erunt in pectore Aaron quando ingreditur coram Domino et gestabit iudicium filiorum Israhel in pectore suo in conspectu Domini semper Ex. 28:30
• dixit auditor sermonum Dei qui novit doctrinam Altissimi et visiones Omnipotentis videt qui cadens apertos habet oculos Num. 24:16
• commutans labium veracium et doctrinam senum auferens Job 12:20
• doctrinam qua me arguis audiam et spiritus intellegentiae meae respondebit mihi Job 20:3
• timor Domini principium scientiae sapientiam atque doctrinam stulti despiciunt Pr. 1:7
• accipite disciplinam meam et non pecuniam doctrinam magis quam aurum eligite Pr. 8:10
• cor sapientis quaerit doctrinam et os stultorum pascetur inperitia Pr. 15:14
• cor prudens possidebit scientiam et auris sapientium quaerit doctrinam Pr. 18:15
• non cesses fili audire doctrinam nec ignores sermones scientiae Pr. 19:27
• inclina aurem tuam et audi verba sapientium adpone autem cor ad doctrinam meam Pr. 22:17
• in auribus insipientium ne loquaris quia despicient doctrinam eloquii tui Pr. 23:9
• ingrediatur ad doctrinam cor tuum et aures tuae ad verba scientiae Pr. 23:12
• veritatem eme et noli vendere sapientiam et doctrinam et intellegentiam Pr. 23:23
• dedique cor meum ut scirem prudentiam atque doctrinam erroresque et stultitiam et agnovi quod in his quoque esset labor et adflictio spiritus Eccl. 1:17
• <[1] multorum nobis et magnorum per Legem et Prophetas aliosque qui secuti sunt illos sapientiam demonstratam, in quibus oportet laudare Israhel doctrinae et sapientiae causa; quia non solum ipsos loquentes necesse est peritos, sed etiam extraneos posse et dicentes et scribentes doctissimos fieri. [2] avus meus Iesus postquam se amplius dedit ad diligentiam lectionis Legis et Prophetarum et aliorum librorum qui nobis a parentibus nostris traditi sunt, volui et ipse scribere aliquid horum quae ad doctrinam et sapientiam pertinent, ut desiderantes discere et illorum periti facti magis magisque adtendant animo et confirmentur ad legitimam vitam. [3] hortor itaque venire vos cum benevolentia et adtentiore studio lectionem facere, et veniam habere in illis in quibus videmur sequentes imaginem sapientiae et deficere in verborum conpositione. nam deficiunt verba hebraica quando translata fuerint ad alteram linguam; non solum autem haec, sed et ipsa Lex et Prophetae ceteraque librorum non parvam habent differentiam quando inter se dicuntur. [4] nam in octavo et tricesimo anno temporibus Ptolomei Euergetis regis, postquam perveni in Aegyptum et cum multum temporis ibi fecissem, inveni libros relictos non parvae neque contemnendae doctrinae. [5] itaque bonum et necessarium putavi et ipse aliquam addere diligentiam et laborem interpretandi istum librum; et multa vigilia adtuli doctrinam in spatio temporis, ad illa quae ad finem ducunt librum dare, et illis qui volunt animum intendere et discere quemadmodum oporteat instituere mores qui secundum legem Domini proposuerunt vitam agere>. omnis sapientia a Deo Domino est et cum illo fuit semper et est ante aevum Sir. 1:1
• fili a iuventute tua excipe doctrinam et usque ad canos invenies sapientiam Sir. 6:18
• et si inclinaveris aurem tuam excipies doctrinam et si dilexeris audire sapiens eris Sir. 6:34
• ab ipsis enim disces doctrinam intellectus et servire magnatis sine querella Sir. 8:10
• misereatur excipiens doctrinam miserationis et qui festinant in iudiciis eius Sir. 18:14
• quis superponet in me in cogitatu meo flagella et in corde meo doctrinam sapientiae ut ignorationibus eorum non parcant mihi et non pareant delicta illorum Sir. 23:2
• doctrina oris doctrinam oris audite filii et qui custodierit illam non periet in labiis suis nec scandalizabitur in operibus nequissimis Sir. 23:7
• quoniam doctrinam quasi antelucanum inlumino omnibus et enarrabo illam usque in longinquo Sir. 24:44
• adhuc doctrinam quasi prophetiam effundam et relinquam illam quaerentibus sapientiam et non desinam in progenies illorum usque in aevum sanctum Sir. 24:46
• qui timet Deum excipiet doctrinam eius et qui vigilaverint ad illum invenient benedictionem Sir. 32:18
• doctrinam sapientiae et disciplinae scripsi in codice isto Iesus filius Sirach Hierosolymita qui renovavit sapientiam de corde suo Sir. 50:29
• et factum est cum consummasset Iesus verba haec admirabantur turbae super doctrinam eius Mt. 7:28
• tunc proconsul cum vidisset factum credidit admirans super doctrinam Domini Acts 13:12
• quaecumque enim scripta sunt ad nostram doctrinam scripta sunt ut per patientiam et consolationem scripturarum spem habeamus Rom. 15:4
• rogo autem vos fratres ut observetis eos qui dissensiones et offendicula praeter doctrinam quam vos didicistis faciunt et declinate ab illis Rom. 16:17
• quid ergo est fratres cum convenitis unusquisque vestrum psalmum habet doctrinam habet apocalypsin habet linguam habet interpretationem habet omnia ad aedificationem fiant 1 Cor. 14:26
• tu autem adsecutus es meam doctrinam institutionem propositum fidem longanimitatem dilectionem patientiam 2 Tim. 3:10
• erit enim tempus cum sanam doctrinam non sustinebunt sed ad sua desideria coacervabunt sibi magistros prurientes auribus 2 Tim. 4:3
• amplectentem eum qui secundum doctrinam est fidelem sermonem ut potens sit et exhortari in doctrina sana et eos qui contradicunt arguere Tit. 1:9
• tu autem loquere quae decet sanam doctrinam Tit. 2:1
• non fraudantes, sed in omnibus fidem bonam ostendentes ut doctrinam salutaris nostri Dei ornent in omnibus Tit. 2:10
• si quis venit ad vos et hanc doctrinam non adfert nolite recipere eum in domum nec have ei dixeritis 2 Jn. 1:10
• sed habeo adversus te pauca quia habes illic tenentes doctrinam Balaam qui docebat Balac mittere scandalum coram filiis Israhel edere et fornicari Apoc. 2:14
• ita habes et tu tenentes doctrinam Nicolaitarum Apoc. 2:15
• vobis autem dico ceteris qui Thyatirae estis quicumque non habent doctrinam hanc qui non cognoverunt altitudines Satanae quemadmodum dicunt non mittam super vos aliud pondus Apoc. 2:24