Haller's Concordance: EVANGELIUM

• et circumibat Iesus totam Galilaeam docens in synagogis eorum et praedicans evangelium regni et sanans omnem languorem et omnem infirmitatem in populo Mt. 4:23
• et circumibat Iesus civitates omnes et castella docens in synagogis eorum et praedicans evangelium regni et curans omnem languorem et omnem infirmitatem Mt. 9:35
• et praedicabitur hoc evangelium regni in universo orbe in testimonium omnibus gentibus et tunc veniet consummatio Mt. 24:14
• amen dico vobis ubicumque praedicatum fuerit hoc evangelium in toto mundo dicetur et quod haec fecit in memoriam eius Mt. 26:13
• postquam autem traditus est Iohannes venit Iesus in Galilaeam praedicans evangelium regni Dei Mk. 1:14
• qui enim voluerit animam suam salvam facere perdet eam qui autem perdiderit animam suam propter me et evangelium salvam eam faciet Mk. 8:35
• respondens Iesus ait amen dico vobis nemo est qui reliquerit domum aut fratres aut sorores aut matrem aut patrem aut filios aut agros propter me et propter evangelium Mk. 10:29
• et in omnes gentes primum oportet praedicari evangelium Mk. 13:10
• amen dico vobis ubicumque praedicatum fuerit evangelium istud in universum mundum et quod fecit haec narrabitur in memoriam eius Mk. 14:9
• et dixit eis euntes in mundum universum praedicate evangelium omni creaturae Mk. 16:15
• sed nihil horum vereor nec facio animam pretiosiorem quam me dummodo consummem cursum meum et ministerium quod accepi a Domino Iesu testificari evangelium gratiae Dei Acts 20:24
• Paulus servus Christi Iesu vocatus apostolus segregatus in evangelium Dei Rom. 1:1
• non enim erubesco evangelium virtus enim Dei est in salutem omni credenti Iudaeo primum et Graeco Rom. 1:16
• in die cum iudicabit Deus occulta hominum secundum evangelium meum per Iesum Christum Rom. 2:16
• secundum evangelium quidem inimici propter vos secundum electionem autem carissimi propter patres Rom. 11:28
• ut sim minister Christi Iesu in gentibus sanctificans evangelium Dei ut fiat oblatio gentium accepta sanctificata in Spiritu Sancto Rom. 15:16
• in virtute signorum et prodigiorum in virtute Spiritus Sancti ita ut ab Hierusalem per circuitum usque in Illyricum repleverim evangelium Christi Rom. 15:19
• sic autem hoc praedicavi evangelium non ubi nominatus est Christus ne super alienum fundamentum aedificarem Rom. 15:20
• ei autem qui potens est vos confirmare iuxta evangelium meum et praedicationem Iesu Christi secundum revelationem mysterii temporibus aeternis taciti Rom. 16:25
• nam si decem milia pedagogorum habeatis in Christo sed non multos patres nam in Christo Iesu per evangelium ego vos genui 1 Cor. 4:15
• ita et Dominus ordinavit his qui evangelium adnuntiant de evangelio vivere 1 Cor. 9:14
• quae est ergo merces mea ut evangelium praedicans sine sumptu ponam evangelium ut non abutar potestate mea in evangelio 1 Cor. 9:18
• omnia autem facio propter evangelium ut particeps eius efficiar 1 Cor. 9:23
• notum autem vobis facio fratres evangelium quod praedicavi vobis quod et accepistis in quo et statis 1 Cor. 15:1
• cum venissem autem Troadem propter evangelium Christi et ostium mihi apertum esset in Domino 2 Cor. 2:12
• quod si etiam opertum est evangelium nostrum in his qui pereunt est opertum 2 Cor. 4:3
• per probationem ministerii huius glorificantes Deum in oboedientia confessionis vestrae in evangelium Christi et simplicitate communicationis in illos et in omnes 2 Cor. 9:13
• nam si is qui venit alium Christum praedicat quem non praedicavimus aut alium spiritum accipitis quem non accepistis aut aliud evangelium quod non recepistis recte pateremini 2 Cor. 11:4
• aut numquid peccatum feci me ipsum humilians ut vos exaltemini quoniam gratis evangelium Dei evangelizavi vobis 2 Cor. 11:7
• miror quod sic tam cito transferimini ab eo qui vos vocavit in gratiam Christi in aliud evangelium Gal. 1:6
• quod non est aliud nisi sunt aliqui qui vos conturbant et volunt convertere evangelium Christi Gal. 1:7
• notum enim vobis facio fratres evangelium quod evangelizatum est a me quia non est secundum hominem Gal. 1:11
• ascendi autem secundum revelationem et contuli cum illis evangelium quod praedico in gentibus seorsum autem his qui videbantur ne forte in vacuum currerem aut cucurrissem Gal. 2:2
• sed e contra cum vidissent quod creditum est mihi evangelium praeputii sicut Petro circumcisionis Gal. 2:7
• in quo et vos cum audissetis verbum veritatis evangelium salutis vestrae in quo et credentes signati estis Spiritu promissionis Sancto Eph. 1:13
• esse gentes coheredes et concorporales et conparticipes promissionis in Christo Iesu per evangelium Eph. 3:6
• experimentum autem eius cognoscite quoniam sicut patri filius mecum servivit in evangelium Phil. 2:22
• quia evangelium nostrum non fuit ad vos in sermone tantum sed et in virtute et in Spiritu Sancto et in plenitudine multa sicut scitis quales fuerimus vobis propter vos 1 Th. 1:5
• sed ante passi et contumeliis affecti sicut scitis in Philippis fiduciam habuimus in Deo nostro loqui ad vos evangelium Dei in multa sollicitudine 1 Th. 2:2
• sed sicut probati sumus a Deo ut crederetur nobis evangelium ita loquimur non quasi hominibus placentes sed Deo qui probat corda nostra 1 Th. 2:4
• ita desiderantes vos cupide volebamus tradere vobis non solum evangelium Dei sed etiam animas nostras quoniam carissimi nobis facti estis 1 Th. 2:8
• memores enim estis fratres laborem nostrum et fatigationem nocte et die operantes ne quem vestrum gravaremus praedicavimus in vobis evangelium Dei 1 Th. 2:9
• ad quod et vocavit vos per evangelium nostrum in adquisitionem gloriae Domini nostri Iesu Christi 2 Th. 2:14
• quae est secundum evangelium gloriae beati Dei quod creditum est mihi 1 Tim. 1:11
• manifestata est autem nunc per inluminationem salvatoris nostri Iesu Christi qui destruxit quidem mortem inluminavit autem vitam et incorruptionem per evangelium 2 Tim. 1:10
• memor esto Iesum Christum resurrexisse a mortuis ex semine David secundum evangelium meum 2 Tim. 2:8
• et vidi alterum angelum volantem per medium caelum habentem evangelium aeternum ut evangelizaret sedentibus super terram et super omnem gentem et tribum et linguam et populum Apoc. 14:6