Haller's Concordance: FRUCTUS

• cum operatus fueris eam non dabit tibi fructus suos vagus et profugus eris super terram Gen. 4:12
• quarto anno omnis fructus eorum sanctificabitur laudabilis Domino Lev. 19:24
• quinto autem anno comedetis fructus congregantes poma quae proferunt ego Dominus Deus vester Lev. 19:25
• a quintodecimo ergo die mensis septimi quando congregaveritis omnes fructus terrae vestrae celebrabitis ferias Domini septem diebus die primo et die octavo erit sabbatum id est requies Lev. 23:39
• sumetisque vobis die primo fructus arboris pulcherrimae spatulasque palmarum et ramos ligni densarum frondium et salices de torrente et laetabimini coram Domino Deo vestro Lev. 23:40
• sex annis seres agrum tuum et sex annis putabis vineam tuam colligesque fructus eius Lev. 25:3
• et gignat vobis humus fructus suos quibus vescamini usque ad saturitatem nullius impetum formidantes Lev. 25:19
• dabo benedictionem meam vobis anno sexto et faciet fructus trium annorum Lev. 25:21
• conputabuntur fructus ex eo tempore quo vendidit et quod reliquum est reddet emptori sicque recipiet possessionem suam Lev. 25:27
• venerunt ad Mosen et Aaron et ad omnem coetum filiorum Israhel in desertum Pharan quod est in Cades locutique eis et omni multitudini ostenderunt fructus terrae Num. 13:26
• benedictus fructus ventris tui et fructus terrae tuae fructusque iumentorum tuorum greges armentorum et caulae ovium tuarum Dt. 28:4
• maledictus fructus ventris tui et fructus terrae tuae armenta boum tuorum et greges ovium tuarum Dt. 28:18
• fructus terrae tuae et omnes labores tuos comedat populus quem ignoras et sis semper calumniam sustinens et oppressus cunctis diebus Dt. 28:33
• constituit eum super excelsam terram ut comederet fructus agrorum ut sugeret mel de petra oleumque de saxo durissimo Dt. 32:13
• et ut adferremus primogenita terrae nostrae et primitiva universi fructus omnis ligni ab anno in annum in domo Domini 2 Esd. 10:35
• adquiesce igitur ei et habeto pacem et per haec habebis fructus optimos Job 22:21
• si fructus eius comedi absque pecunia et animam agricolarum eius adflixi Job 31:39
• unde et servus tuus docebit ea in custodiendis eis fructus multus Ps. 19:11
• et dicet homo vere fructus est iusto vere est Deus iudicans in terra Ps. 58:11
• erit memorabile triticum in terra in capite montium elevabitur sicut Libani fructus eius et florebunt de civitate sicut faenum terrae Ps. 72:16
• ecce hereditas Domini filii mercis fructus ventris Ps. 127:3
• comedent igitur fructus viae suae suisque consiliis saturabuntur Pr. 1:31
• melior est adquisitio eius negotiatione argenti et auro primo fructus eius Pr. 3:14
• melior est fructus meus auro et pretioso lapide et genimina mea argento electo Pr. 8:19
• opus iusti ad vitam fructus impii ad peccatum Pr. 10:16
• fructus iusti lignum vitae et qui suscipit animas sapiens est Pr. 11:30
• melius est parum cum iustitia quam multi fructus cum iniquitate Pr. 16:8
• mors et vita in manu linguae qui diligunt eam comedent fructus eius Pr. 18:21
• qui servat ficum comedet fructus eius et qui custos est domini sui glorificabitur Pr. 27:18
• avarus non implebitur pecunia et qui amat divitias fructus non capiet ex eis et hoc ergo vanitas Eccl. 5:10
• sicut malum inter ligna silvarum sic dilectus meus inter filios sub umbra illius quam desideraveram sedi et fructus eius dulcis gutturi meo Cant. 2:3
• dixi ascendam in palmam adprehendam fructus eius et erunt ubera tua sicut botri vineae et odor oris tui sicut malorum Cant. 7:8
• mane surgamus ad vineas videamus si floruit vinea si flores fructus parturiunt si floruerunt mala punica ibi dabo tibi ubera mea Cant. 7:12
• vinea mea coram me est mille tui Pacifice et ducenti his qui custodiunt fructus eius Cant. 8:12
• bonorum enim laborum gloriosus est fructus et quae non concidat radix sapientiae Wis. 3:15
• confringentur rami inconsummati et fructus illorum inutilis et acerbi ad manducandum et ad nihilum apti Wis. 4:5
• cuius in testimonium nequitiae fumigabunda constat deserta terra et incerto tempore fructus habentes arbores et incredibilis animae memoria stans figmentum salis Wis. 10:7
• nix autem et glacies sustinebant vim ignis et non tabescebant ut scirent quoniam fructus inimicorum exterminabat ignis ardens in grandine et pluvia coruscans Wis. 16:22
• ut scirent filii tui quos dilexisti Domine quoniam non nativitatis fructus pascunt homines sed sermo tuus hos qui in te crediderint conservat Wis. 16:26
• et folia tua comedet et fructus tuos perdet et relinqueris velut lignum aridum in heremo Sir. 6:3
• quasi is qui arat et seminat accede ad illam et sustine bonos fructus illius Sir. 6:19
• brevis in volatilibus est apis et initium dulcoris habet fructus illius Sir. 11:3
• ego quasi vitis fructificavi suavitatem odoris et flores mei fructus honoris et honestatis Sir. 24:23
• est sapiens animae suae sapiens et fructus sensus illius laudabilis Sir. 37:25
• vir sapiens plebem suam erudit et fructus sensus eius fideles sunt Sir. 37:26
• in voce dicit obaudite me divini fructus et quasi rosa plantata super rivum aquarum fructificate Sir. 39:17
• in die illa erit germen Domini in magnificentia et in gloria et fructus terrae sublimis et exultatio his qui salvati fuerint de Israhel Isa. 4:2
• et relinquetur in eo sicut racemus et sicut excussio oleae duarum aut trium olivarum in summitate rami sive quattuor aut quinque in cacuminibus eius fructus eius dicit Dominus Deus Israhel Isa. 17:6
• idcirco super hoc dimittetur iniquitas domui Iacob et iste omnis fructus ut auferatur peccatum eius cum posuerit omnes lapides altaris sicut lapides cineris adlisos non stabunt luci et delubra Isa. 27:9
• mater tua quasi vinea in sanguine tuo super aquam plantata fructus eius et frondes eius creverunt ex aquis multis Ezec. 19:10
• et super torrentem orietur in ripis eius ex utraque parte omne lignum pomiferum non defluet folium ex eo et non deficiet fructus eius per singulos menses adferet primitiva quia aquae eius de sanctuario egredientur et erunt fructus eius in cibum et folia eius ad medicinam Ezec. 47:12
• Folia eius pulcherrima, et fructus eius nimius: et esca universorum in ea. subter eam habitabant animalia, et bestiae, et in ramis eius conversabantur volucres caeli: et ex ea vescebatur omnis caro. Dan. 4:12
• Clamavit fortiter, et sic ait: Succidite arborem, et praecidite ramos eius: excutite folia eius, et dispergite fructus eius: fugiant bestiae, quae subter eam sunt, et volucres de ramis eius. Dan. 4:14
• et rami eius pulcherrimi, et fructus eius nimius, et esca omnium in ea, subter eam habitantes bestiae agri, et in ramis eius commorantes aves caeli: Dan. 4:21
• vitis frondosa Israhel fructus adaequatus est ei secundum multitudinem fructus sui multiplicavit altaria iuxta ubertatem terrae suae exuberavit simulacris Osee 10:1
• Ephraim quid mihi ultra idola ego exaudiam et dirigam eum ego ut abietem virentem ex me fructus tuus inventus est Osee 14:8
• et convertam captivitatem populi mei Israhel et aedificabunt civitates desertas et habitabunt et plantabunt vineas et bibent vinum earum et facient hortos et comedent fructus eorum Amos 9:14
• et dimidiam partem fructus ligni quod est portionis meae relinquo vobis ex hodierno et deinceps ne accipiatur a terra Iuda et a tribus civitatibus quae additae sunt illi ex Samaria et Galilea ex hodierna die et in totum tempus 1 Ma. 10:30
• et unusquisque colebat terram suam cum pace et terra dabat fructus suos et ligna camporum fructum suum 1 Ma. 14:8
• sic omnis arbor bona fructus bonos facit mala autem arbor fructus malos facit Mt. 7:17
• non potest arbor bona fructus malos facere neque arbor mala fructus bonos facere Mt. 7:18
• et videns fici arborem unam secus viam venit ad eam et nihil invenit in ea nisi folia tantum et ait illi numquam ex te fructus nascatur in sempiternum et arefacta est continuo ficulnea Mt. 21:19
• cum autem tempus fructuum adpropinquasset misit servos suos ad agricolas ut acciperent fructus eius Mt. 21:34
• ideo dico vobis quia auferetur a vobis regnum Dei et dabitur genti facienti fructus eius Mt. 21:43
• et cum se produxerit fructus statim mittit falcem quoniam adest messis Mk. 4:29
• et exclamavit voce magna et dixit benedicta tu inter mulieres et benedictus fructus ventris tui Lk. 1:42
• facite ergo fructus dignos paenitentiae et ne coeperitis dicere patrem habemus Abraham dico enim vobis quia potest Deus de lapidibus istis suscitare filios Abrahae Lk. 3:8
• non est enim arbor bona quae facit fructus malos neque arbor mala faciens fructum bonum Lk. 6:43
• dixit autem similitudinem ad illos dicens hominis cuiusdam divitis uberes fructus ager adtulit Lk. 12:16
• et cogitabat intra se dicens quid faciam quod non habeo quo congregem fructus meos Lk. 12:17
• non vos me elegistis sed ego elegi vos et posui vos ut eatis et fructum adferatis et fructus vester maneat ut quodcumque petieritis Patrem in nomine meo det vobis Jn. 15:16
• an propter nos utique dicit nam propter nos scripta sunt quoniam debet in spe qui arat arare et qui triturat in spe fructus percipiendi 1 Cor. 9:10
• fructus autem Spiritus est caritas gaudium pax longanimitas bonitas benignitas Gal. 5:22
• fructus enim lucis est in omni bonitate et iustitia et veritate Eph. 5:9
• quod si vivere in carne hic mihi fructus operis est et quid eligam ignoro Phil. 1:22
• fructus autem iustitiae in pace seminatur facientibus pacem Jas. 3:18
• in medio plateae eius et ex utraque parte fluminis lignum vitae adferens fructus duodecim per menses singula reddentia fructum suum et folia ligni ad sanitatem gentium Apoc. 22:2
• nonne de his interrogaverunt animae iustorum in promptuariis suis dicentes: usquequo spero sic? et quando venit fructus areae mercedis nostrae? 4 Esd. 4:35
• processit enim subito fructus multitudinis inmensus et concupiscentia gustus multiformis et flores colore inimitabili et odores odoramentis investigabiles. et die tertio haec facta sunt. 4 Esd. 6:44
• et quoniam ostendetur paradisus, cuius fructus incorruptus perseverat, in quo est saturitas et medella, 4 Esd. 7:123
• fructus enim illorum alienigenae metent et substantiam illorum rapient et domos evertent et filios eorum captivabunt, quia in captivitate et fame generant natos suos 4 Esd. 16:47