Haller's Concordance: IACOB

• qui primus egressus est rufus erat et totus in morem pellis hispidus vocatumque est nomen eius Esau protinus alter egrediens plantam fratris tenebat manu et idcirco appellavit eum Iacob Gen. 25:25
• quibus adultis factus est Esau vir gnarus venandi et homo agricola Iacob autem vir simplex habitabat in tabernaculis Gen. 25:27
• Isaac amabat Esau eo quod de venationibus illius vesceretur et Rebecca diligebat Iacob Gen. 25:28
• coxit autem Iacob pulmentum ad quem cum venisset Esau de agro lassus Gen. 25:29
• cui dixit Iacob vende mihi primogenita tua Gen. 25:31
• ait Iacob iura ergo mihi iuravit Esau et vendidit primogenita Gen. 25:33
• dixit filio suo Iacob audivi patrem tuum loquentem cum Esau fratre tuo et dicentem ei Gen. 27:6
• dixitque Iacob ego sum Esau primogenitus tuus feci sicut praecepisti mihi surge sede et comede de venatione mea ut benedicat mihi anima tua Gen. 27:19
• accessit ille ad patrem et palpato eo dixit Isaac vox quidem vox Iacob est sed manus manus sunt Esau Gen. 27:22
• vix Isaac sermonem impleverat et egresso Iacob foras venit Esau Gen. 27:30
• at ille subiunxit iuste vocatum est nomen eius Iacob subplantavit enim me en altera vice primogenita mea ante tulit et nunc secundo subripuit benedictionem meam rursumque ad patrem numquid non reservasti ait et mihi benedictionem Gen. 27:36
• oderat ergo semper Esau Iacob pro benedictione qua benedixerat ei pater dixitque in corde suo veniant dies luctus patris mei ut occidam Iacob fratrem meum Gen. 27:41
• nuntiata sunt haec Rebeccae quae mittens et vocans Iacob filium suum dixit ad eum ecce Esau frater tuus minatur ut occidat te Gen. 27:42
• dixit quoque Rebecca ad Isaac taedet me vitae meae propter filias Heth si acceperit Iacob uxorem de stirpe huius terrae nolo vivere Gen. 27:46
• vocavit itaque Isaac Iacob et benedixit praecepitque ei dicens noli accipere coniugem de genere Chanaan Gen. 28:1
• videns autem Esau quod benedixisset pater suus Iacob et misisset eum in Mesopotamiam Syriae ut inde uxorem duceret et quod post benedictionem praecepisset ei dicens non accipies coniugem de filiabus Chanaan Gen. 28:6
• quodque oboediens Iacob parentibus isset in Syriam Gen. 28:7
• igitur egressus Iacob de Bersabee pergebat Haran Gen. 28:10
• cumque evigilasset Iacob de somno ait vere Dominus est in loco isto et ego nesciebam Gen. 28:16
• profectus ergo Iacob venit ad terram orientalem Gen. 29:1
• dixitque Iacob adhuc multum diei superest nec est tempus ut reducantur ad caulas greges date ante potum ovibus et sic ad pastum eas reducite Gen. 29:7
• quam cum vidisset Iacob et sciret consobrinam suam ovesque Laban avunculi sui amovit lapidem quo puteus claudebatur Gen. 29:10
• qui cum audisset venisse Iacob filium sororis suae cucurrit obviam conplexusque eum et in oscula ruens duxit in domum suam auditis autem causis itineris Gen. 29:13
• quam diligens Iacob ait serviam tibi pro Rahel filia tua minore septem annis Gen. 29:18
• servivit igitur Iacob pro Rahel septem annis et videbantur illi pauci dies prae amoris magnitudine Gen. 29:20
• dans ancillam filiae Zelpham nomine ad quam cum ex more Iacob fuisset ingressus facto mane vidit Liam Gen. 29:24
• cui iratus respondit Iacob num pro Deo ego sum qui privavit te fructu ventris tui Gen. 30:2
• redeuntique ad vesperam de agro Iacob egressa est in occursum Lia et ad me inquit intrabis quia mercede conduxi te pro mandragoris filii mei dormivit cum ea nocte illa Gen. 30:16
• nato autem Ioseph dixit Iacob socero suo dimitte me ut revertar in patriam et ad terram meam Gen. 30:25
• tollens ergo Iacob virgas populeas virides et amigdalinas et ex platanis ex parte decorticavit eas detractisque corticibus in his quae spoliata fuerant candor apparuit illa vero quae integra erant viridia permanserunt atque in hunc modum color effectus est varius Gen. 30:37
• divisitque gregem Iacob et posuit virgas ante oculos arietum erant autem alba quaeque et nigra Laban cetera vero Iacob separatis inter se gregibus Gen. 30:40
• igitur quando primo tempore ascendebantur oves ponebat Iacob virgas in canalibus aquarum ante oculos arietum et ovium ut in earum contemplatione conciperent Gen. 30:41
• quando vero serotina admissura erat et conceptus extremus non ponebat eas factaque sunt ea quae erant serotina Laban et quae primi temporis Iacob Gen. 30:42
• postquam autem audivit verba filiorum Laban dicentium tulit Iacob omnia quae fuerunt patris nostri et de illius facultate ditatus factus est inclitus Gen. 31:1
• dixitque angelus Dei ad me in somnis Iacob et ego respondi adsum Gen. 31:11
• surrexit itaque Iacob et inpositis liberis et coniugibus suis super camelos abiit Gen. 31:17
• noluitque Iacob confiteri socero quod fugeret Gen. 31:20
• nuntiatum est Laban die tertio quod fugeret Iacob Gen. 31:22
• viditque in somnis dicentem sibi Dominum cave ne quicquam aspere loquaris contra Iacob Gen. 31:24
• iamque Iacob extenderat in monte tabernaculum cum ille consecutus eum cum fratribus suis in eodem monte Galaad fixit tentorium Gen. 31:25
• et dixit ad Iacob quare ita egisti ut clam me abigeres filias meas quasi captivas gladio Gen. 31:26
• valet quidem manus mea reddere tibi malum sed Deus patris vestri heri dixit mihi cave ne loquaris cum Iacob quicquam durius Gen. 31:29
• respondit Iacob quod inscio te profectus sum timui ne violenter auferres filias tuas Gen. 31:31
• ingressus itaque Laban tabernaculum Iacob et Liae et utriusque famulae non invenit cumque intrasset tentorium Rahelis Gen. 31:33
• tumensque Iacob cum iurgio ait quam ob culpam meam et ob quod peccatum sic exarsisti post me Gen. 31:36
• tulit itaque Iacob lapidem et erexit illum in titulum Gen. 31:45
• quem vocavit Laban tumulus Testis et Iacob acervum Testimonii uterque iuxta proprietatem linguae suae Gen. 31:47
• dixitque rursus ad Iacob en tumulus hic et lapis quem erexi inter me et te Gen. 31:51
• Deus Abraham et Deus Nahor iudicet inter nos Deus patris eorum iuravit Iacob per Timorem patris sui Isaac Gen. 31:53
• Iacob quoque abiit itinere quo coeperat fueruntque ei obviam angeli Dei Gen. 32:1
• praecepitque eis dicens sic loquimini domino meo Esau haec dicit frater tuus Iacob apud Laban peregrinatus sum et fui usque in praesentem diem Gen. 32:4
• reversi sunt nuntii ad Iacob dicentes venimus ad Esau fratrem tuum et ecce properat in occursum tibi cum quadringentis viris Gen. 32:6
• timuit Iacob valde et perterritus divisit populum qui secum erat greges quoque et oves et boves et camelos in duas turmas Gen. 32:7
• dixitque Iacob Deus patris mei Abraham et Deus patris mei Isaac Domine qui dixisti mihi revertere in terram tuam et in locum nativitatis tuae et benefaciam tibi Gen. 32:9
• respondebis servi tui Iacob munera misit domino meo Esau ipse quoque post nos venit Gen. 32:18
• et addetis ipse quoque servus tuus Iacob iter nostrum insequitur dixit enim placabo illum muneribus quae praecedunt et postea videbo forsitan propitiabitur mihi Gen. 32:20
• ait ergo quod nomen est tibi respondit Iacob Gen. 32:27
• at ille nequaquam inquit Iacob appellabitur nomen tuum sed Israhel quoniam si contra Deum fortis fuisti quanto magis contra homines praevalebis Gen. 32:28
• interrogavit eum Iacob dic mihi quo appellaris nomine respondit cur quaeris nomen meum et benedixit ei in eodem loco Gen. 32:29
• vocavitque Iacob nomen loci illius Phanuhel dicens vidi Deum facie ad faciem et salva facta est anima mea Gen. 32:30
• quam ob causam non comedunt filii Israhel nervum qui emarcuit in femore Iacob usque in praesentem diem eo quod tetigerit nervum femoris eius et obstipuerit Gen. 32:32
• levans autem Iacob oculos suos vidit venientem Esau et cum eo quadringentos viros divisitque filios Liae et Rahel ambarumque famularum Gen. 33:1
• dixit Iacob noli ita obsecro sed si inveni gratiam in oculis tuis accipe munusculum de manibus meis sic enim vidi faciem tuam quasi viderim vultum Dei esto mihi propitius Gen. 33:10
• dixit Iacob nosti domine mi quod parvulos habeam teneros et oves ac boves fetas mecum quas si plus in ambulando fecero laborare morientur una die cuncti greges Gen. 33:13
• et Iacob venit in Soccoth ubi aedificata domo et fixis tentoriis appellavit nomen loci illius Soccoth id est Tabernacula Gen. 33:17
• quod cum audisset Iacob absentibus filiis et in pastu occupatis pecorum siluit donec redirent Gen. 34:5
• egresso autem Emor patre Sychem ut loqueretur ad Iacob Gen. 34:6
• ecce filii eius veniebant de agro auditoque quod acciderat irati sunt valde eo quod foedam rem esset operatus in Israhel et violata filia Iacob rem inlicitam perpetrasset Gen. 34:7
• responderunt filii Iacob Sychem et patri eius in dolo saevientes ob stuprum sororis Gen. 34:13
• et ecce die tertio quando gravissimus vulnerum dolor est arreptis duo Iacob filii Symeon et Levi fratres Dinae gladiis ingressi sunt urbem confidenter interfectisque omnibus masculis Gen. 34:25
• quibus egressis inruerunt super occisos ceteri filii Iacob et depopulati sunt urbem in ultionem stupri Gen. 34:27
• quibus patratis audacter Iacob dixit ad Symeon et Levi turbastis me et odiosum fecistis Chananeis et Ferezeis habitatoribus terrae huius nos pauci sumus illi congregati percutient me et delebor ego et domus mea Gen. 34:30
• interea locutus est Deus ad Iacob surge et ascende Bethel et habita ibi facque altare Deo qui apparuit tibi quando fugiebas Esau fratrem tuum Gen. 35:1
• Iacob vero convocata omni domo sua ait abicite deos alienos qui in medio vestri sunt et mundamini ac mutate vestimenta vestra Gen. 35:2
• venit igitur Iacob Luzam quae est in terra Chanaan cognomento Bethel ipse et omnis populus cum eo Gen. 35:6
• apparuit autem iterum Deus Iacob postquam reversus est de Mesopotamiam Syriae benedixitque ei Gen. 35:9
• dicens non vocaberis ultra Iacob sed Israhel erit nomen tuum et appellavit eum Israhel Gen. 35:10
• erexitque Iacob titulum super sepulchrum eius hic est titulus monumenti Rahel usque in praesentem diem Gen. 35:20
• cumque habitaret in illa regione abiit Ruben et dormivit cum Bala concubina patris sui quod illum minime latuit erant autem filii Iacob duodecim Gen. 35:22
• filii Zelphae ancillae Liae Gad et Aser hii filii Iacob qui nati sunt ei in Mesopotamiam Syriae Gen. 35:26
• consumptusque aetate mortuus est et adpositus populo suo senex et plenus dierum et sepelierunt eum Esau et Iacob filii sui Gen. 35:29
• tulit autem Esau uxores suas et filios et filias et omnem animam domus suae et substantiam et pecora et cuncta quae habere poterat in terra Chanaan et abiit in alteram regionem recessitque a fratre suo Iacob Gen. 36:6
• habitavit autem Iacob in terra Chanaan in qua peregrinatus est pater suus Gen. 37:1
• audiens autem Iacob quod alimenta venderentur in Aegypto dixit filiis suis quare neglegitis Gen. 42:1
• Beniamin domi retento ab Iacob qui dixerat fratribus eius ne forte in itinere quicquam patiatur mali Gen. 42:4
• veneruntque ad Iacob patrem suum in terra Chanaan et narraverunt ei omnia quae accidissent sibi dicentes Gen. 42:29
• dixit pater Iacob absque liberis me esse fecistis Ioseph non est super Symeon tenetur in vinculis Beniamin auferetis in me haec mala omnia reciderunt Gen. 42:36
• consumptisque cibis quos ex Aegypto detulerant dixit Iacob ad filios suos revertimini et emite pauxillum escarum Gen. 43:2
• qui ascendentes ex Aegypto venerunt in terram Chanaan ad patrem suum Iacob Gen. 45:25
• audivit eum per visionem nocte vocantem se et dicentem sibi Iacob Iacob cui respondit ecce adsum Gen. 46:2
• surrexit Iacob a puteo Iuramenti tuleruntque eum filii cum parvulis et uxoribus suis in plaustris quae miserat Pharao ad portandum senem Gen. 46:5
• hii filii Zelphae quam dedit Laban Liae filiae suae et hos genuit Iacob sedecim animas Gen. 46:18
• filii Rahel uxoris Iacob Ioseph et Beniamin Gen. 46:19
• hii filii Rahel quos genuit Iacob omnes animae quattuordecim Gen. 46:22
• hii filii Balae quam dedit Laban Raheli filiae suae et hos genuit Iacob omnes animae septem Gen. 46:25
• cunctae animae quae ingressae sunt cum Iacob in Aegyptum et egressae de femore illius absque uxoribus filiorum sexaginta sex Gen. 46:26
• filii autem Ioseph qui nati sunt ei in terra Aegypti animae duae omnis anima domus Iacob quae ingressa est Aegyptum fuere septuaginta Gen. 46:27
• vocavit autem Iacob filios suos et ait eis congregamini ut adnuntiem quae ventura sunt vobis diebus novissimis Gen. 49:1
• congregamini et audite filii Iacob audite Israhel patrem vestrum Gen. 49:2
• maledictus furor eorum quia pertinax et indignatio illorum quia dura dividam eos in Iacob et dispergam illos in Israhel Gen. 49:7
• sedit in forti arcus eius et dissoluta sunt vincula brachiorum et manuum illius per manus potentis Iacob inde pastor egressus est lapis Israhel Gen. 49:24
• fecerunt ergo filii Iacob sicut praeceperat eis Gen. 50:12
• quibus transactis locutus est fratribus suis post mortem meam Deus visitabit vos et ascendere faciet de terra ista ad terram quam iuravit Abraham Isaac et Iacob Gen. 50:24
• haec sunt nomina filiorum Israhel qui ingressi sunt Aegyptum cum Iacob singuli cum domibus suis introierunt Ex. 1:1
• erant igitur omnes animae eorum qui egressi sunt de femore Iacob septuaginta Ioseph autem in Aegypto erat Ex. 1:5
• et audivit gemitum eorum ac recordatus foederis quod pepigerat cum Abraham et Isaac et Iacob Ex. 2:24
• et ait ego sum Deus patris tui Deus Abraham Deus Isaac Deus Iacob abscondit Moses faciem suam non enim audebat aspicere contra Deum Ex. 3:6
• dixitque iterum Deus ad Mosen haec dices filiis Israhel Dominus Deus patrum vestrorum Deus Abraham Deus Isaac et Deus Iacob misit me ad vos hoc nomen mihi est in aeternum et hoc memoriale meum in generationem et generatione Ex. 3:15
• vade congrega seniores Israhel et dices ad eos Dominus Deus patrum vestrorum apparuit mihi Deus Abraham et Deus Isaac et Deus Iacob dicens visitans visitavi vos et omnia quae acciderunt vobis in Aegypto Ex. 3:16
• ut credant inquit quod apparuerit tibi Dominus Deus patrum tuorum Deus Abraham Deus Isaac Deus Iacob Ex. 4:5
• qui apparui Abraham Isaac et Iacob in Deo omnipotente et nomen meum Adonai non indicavi eis Ex. 6:3
• et induxerim in terram super quam levavi manum meam ut darem eam Abraham Isaac et Iacob daboque illam vobis possidendam ego Dominus Ex. 6:8
• Moses autem ascendit ad Deum vocavitque eum Dominus de monte et ait haec dices domui Iacob et adnuntiabis filiis Israhel Ex. 19:3
• locutusque est Dominus ad Mosen vade ascende de loco isto tu et populus tuus quem eduxisti de terra Aegypti in terram quam iuravi Abraham Isaac et Iacob dicens semini tuo dabo eam Ex. 33:1
• et recordabor foederis mei quod pepigi cum Iacob et Isaac et Abraham terrae quoque memor ero Lev. 26:42
• adsumptaque parabola sua dixit de Aram adduxit me Balac rex Moabitarum de montibus orientis veni inquit et maledic Iacob propera et detestare Israhel Num. 23:7
• quis dinumerare possit pulverem Iacob et nosse numerum stirpis Israhel moriatur anima mea morte iustorum et fiant novissima mea horum similia Num. 23:10
• non est idolum in Iacob nec videtur simulacrum in Israhel Dominus Deus eius cum eo est et clangor victoriae regis in illo Num. 23:21
• non est augurium in Iacob nec divinatio in Israhel temporibus suis dicetur Iacob et Israheli quid operatus sit Deus Num. 23:23
• quam pulchra tabernacula tua Iacob et tentoria tua Israhel Num. 24:5
• videbo eum sed non modo intuebor illum sed non prope orietur stella ex Iacob et consurget virga de Israhel et percutiet duces Moab vastabitque omnes filios Seth Num. 24:17
• de Iacob erit qui dominetur et perdat reliquias civitatis Num. 24:19
• si videbunt homines isti qui ascenderunt ex Aegypto a viginti annis et supra terram quam sub iuramento pollicitus sum Abraham Isaac et Iacob et noluerunt sequi me Num. 32:11
• en inquit tradidi vobis ingredimini et possidete eam super qua iuravit Dominus patribus vestris Abraham et Isaac et Iacob ut daret illam eis et semini eorum post eos Dt. 1:8
• cumque introduxerit te Dominus Deus tuus in terram pro qua iuravit patribus tuis Abraham Isaac et Iacob et dederit tibi civitates magnas et optimas quas non aedificasti Dt. 6:10
• neque enim propter iustitias tuas et aequitatem cordis tui ingredieris ut possideas terras eorum sed quia illae egerunt impie te introeunte deletae sunt et ut conpleret verbum suum Dominus quod sub iuramento pollicitus est patribus tuis Abraham Isaac et Iacob Dt. 9:5
• recordare servorum tuorum Abraham Isaac et Iacob ne aspicias duritiam populi huius et impietatem atque peccatum Dt. 9:27
• ut suscitet te sibi in populum et ipse sit Deus tuus sicut locutus est tibi et sicut iuravit patribus tuis Abraham Isaac et Iacob Dt. 29:13
• et diligas Dominum Deum tuum atque oboedias voci eius et illi adhereas ipse est enim vita tua et longitudo dierum tuorum ut habites in terra pro qua iuravit Dominus patribus tuis Abraham Isaac et Iacob ut daret eam illis Dt. 30:20
• pars autem Domini populus eius Iacob funiculus hereditatis eius Dt. 32:9
• legem praecepit nobis Moses hereditatem multitudinis Iacob Dt. 33:4
• iudicia tua o Iacob et legem tuam o Israhel ponent thymiama in furore tuo et holocaustum super altare tuum Dt. 33:10
• habitabit Israhel confidenter et solus oculus Iacob in terra frumenti et vini caelique caligabunt rore Dt. 33:28
• dixitque Dominus ad eum haec est terra pro qua iuravi Abraham Isaac et Iacob dicens semini tuo dabo eam vidisti eam oculis tuis et non transibis ad illam Dt. 34:4
• et dedi ei Isaac illique rursum dedi Iacob et Esau e quibus Esau dedi montem Seir ad possidendum Iacob vero et filii eius descenderunt in Aegyptum Josu. 24:4
• ossa quoque Ioseph quae tulerant filii Israhel de Aegypto sepelierunt in Sychem in parte agri quem emerat Iacob a filiis Emmor patris Sychem centum novellis ovibus et fuit in possessione filiorum Ioseph Josu. 24:32
• quomodo ingressus est Iacob in Aegyptum et clamaverunt patres vestri ad Dominum et misit Dominus Mosen et Aaron et eduxit patres vestros ex Aegypto et conlocavit eos in loco hoc 1 Ki. 12:8
• haec autem sunt verba novissima quae dixit David filius Isai dixit vir cui constitutum est de christo Dei Iacob egregius psalta Israhel 2 Ki. 23:1
• et tulit duodecim lapides iuxta numerum tribuum filiorum Iacob ad quem factus est sermo Domini dicens Israhel erit nomen tuum 3 Ki. 18:31
• et misertus est Dominus eorum et reversus est ad eos propter pactum suum quod habebat cum Abraham Isaac et Iacob et noluit disperdere eos neque proicere penitus usque in praesens tempus 4 Ki. 13:23
• usque in praesentem diem morem sequuntur antiquum non timent Dominum neque custodiunt caerimonias eius et iudicia et legem et mandatum quod praeceperat Dominus filiis Iacob quem cognominavit Israhel 4 Ki. 17:34
• semen Israhel servi eius filii Iacob electi illius 1 Par. 16:13
• et constituit illud Iacob in praeceptum et Israhel in pactum sempiternum 1 Par. 16:17
• et adprehendens dexteram filiae suae dexterae Tobiae tradidit dicens Deus Abraham et Deus Isaac et Deus Iacob sit vobiscum et ipse coniungat vos impleatque benedictionem suam in vobis Tob. 7:15
• sic Isaac sic Iacob sic Moses et omnes qui placuerunt Deo per multas tribulationes transierunt fideles Jud. 8:23
• benedicta tu Deo tuo in omni tabernaculo Iacob quoniam in omni gente quae audierit nomen tuum magnificabit Deum Israhel super te Jud. 13:31
• quis dabit de Sion salutem Israhel quando reduxerit Dominus captivitatem populi sui exultabit Iacob et laetabitur Israhel Ps. 14:7
• exaudiat te Dominus in die tribulationis protegat te nomen Dei Iacob Ps. 20:1
• qui timetis Dominum laudate eum omne semen Iacob glorificate eum Ps. 22:23
• haec generatio quaerentium eum quaerentium faciem tuam Iacob semper Ps. 24:6
• tu es rex meus Deus praecipe pro salutibus Iacob Ps. 44:4
• Dominus exercituum nobiscum protector noster Deus Iacob semper Ps. 46:7
• Dominus exercituum nobiscum fortitudo nostra Deus Iacob semper Ps. 46:11
• elegit nobis hereditatem nostram gloriam Iacob quam dilexit semper Ps. 47:4
• quis dabit ex Sion salutare Israhel cum reduxerit Deus captivitatem populi sui exultabit Iacob laetabitur Israhel Ps. 53:6
• consume in furore consume ut non subsistant et sciant quoniam Deus dominatur Iacob in finibus terrae semper Ps. 59:13
• ego autem adnuntiabo in sempiternum cantabo Deo Iacob Ps. 75:9
• ab increpatione tua Deus Iacob consopitus est et currus et equus Ps. 76:6
• redemisti in brachio populum tuum filios Iacob et Ioseph semper Ps. 77:15
• statuit contestationem Iacob et legem posuit in Israhel quae mandavit patribus nostris ut docerent filios suos Ps. 78:5
• ideo audivit Dominus et non distulit et ignis accensus est in Iacob et furor ascendit in Israhel Ps. 78:21
• ut pasceret Iacob populum eius et Israhel hereditatem eius Ps. 78:71
• quia comederunt Iacob et decorem eius desolaverunt Ps. 79:7
• laudate Deum fortitudinem nostram iubilate Deo Iacob Ps. 81:1
• quia legitimum Israhel est et iudicium Dei Iacob Ps. 81:4
• Domine Deus exercituum exaudi orationem meam ausculta Deus Iacob semper Ps. 84:8
• placatus es Domine terrae tuae reduxisti captivitatem Iacob Ps. 85:1
• diligit Dominus portas Sion super omnia tabernacula Iacob Ps. 87:2
• et dixerunt non videbit Dominus et non intelleget Deus Iacob Ps. 94:7
• recordatus est misericordiae suae et veritatis suae domui Iacob viderunt omnes fines terrae salutare Dei nostri Ps. 98:3
• imperium regis iudicium diligit tu fundasti aequitates iudicium et iustitiam in Iacob tu fecisti Ps. 99:4
• semen Abraham servi eius filii Iacob electi eius Ps. 105:6
• et firmavit illud cum Iacob in lege cum Israhel pactum sempiternum Ps. 105:10
• et ingressus est Israhel Aegyptum et Iacob advena fuit in terra Ham Ps. 105:23
• cum egrederetur Israhel de Aegypto domus Iacob de populo barbaro Ps. 114:1
• a facie Domini contremesce terra a facie Dei Iacob Ps. 114:7
• qui iuravit Domino votum vovit Deo Iacob Ps. 132:2
• donec inveniam locum Domino tabernacula Deo Iacob Ps. 132:5
• quia Iacob elegit sibi Dominus Israhel in peculium suum Ps. 135:4
• beatus cuius Deus Iacob auxiliator eius spes eius in Domino Deo suo Ps. 146:5
• qui adnuntiat verbum suum Iacob praecepta sua et iudicia sua Israhel Ps. 147:19
• est et alia loquella contraria morti non inveniatur in hereditate Iacob Sir. 23:15
• et dixit mihi in Iacob inhabita et in Israhel hereditare et in electis meis ede radices Sir. 24:13
• legem mandavit Moses in praeceptis iustitiarum et hereditatem domui Iacob et Israhel promissionis Sir. 24:33
• congrega omnes tribus Iacob et cognoscant quia non est Deus nisi tu ut enarrent magnalia tua et hereditabis eos sicut ab initio Sir. 36:13
• benedictionem omnium gentium dedit illi et testamentum confirmavit super caput Iacob Sir. 44:25
• et dedit illi coram praecepta legem vitae et disciplinae docere Iacob testamentum et iudicia sua Israhel Sir. 45:6
• dedit illi in praeceptis suis potestatem in testamentis iudiciorum docere Iacob testimonia et in lege sua lucem dare Israhel Sir. 45:21
• in lege Domini iudicavit congregationem et vidit Dominus Iacob et in fide sua probatus est propheta Sir. 46:17
• dedit autem reliquum Iacob et David de ipsa stirpe Sir. 47:25
• qui inscriptus es indiciis temporum et lenis iracundiam Domini conciliare cor patris ad filium et restituere tribus Iacob Sir. 48:10
• et duodecim prophetarum ossa pullulent de loco suo nam rogaverunt Iacob et redimerunt se in fide virtutis Sir. 49:12
• et ibunt populi multi et dicent venite et ascendamus ad montem Domini et ad domum Dei Iacob et docebit nos vias suas et ambulabimus in semitis eius quia de Sion exibit lex et verbum Domini de Hierusalem Isa. 2:3
• domus Iacob venite et ambulemus in lumine Domini Isa. 2:5
• proiecisti enim populum tuum domum Iacob quia repleti sunt ut olim et augures habuerunt ut Philisthim et pueris alienis adheserunt Isa. 2:6
• et expectabo Dominum qui abscondit faciem suam a domo Iacob et praestolabor eum Isa. 8:17
• verbum misit Dominus in Iacob et cecidit in Israhel Isa. 9:8
• et erit in die illa non adiciet residuum Israhel et hii qui fugerint de domo Iacob inniti super eo qui percutit eos sed innitetur super Dominum Sanctum Israhel in veritate Isa. 10:20
• reliquiae convertentur reliquiae inquam Iacob ad Deum fortem Isa. 10:21
• prope est ut veniat tempus eius et dies eius non elongabuntur miserebitur enim Dominus Iacob et eliget adhuc de Israhel et requiescere eos faciet super humum suam adiungetur advena ad eos et adherebit domui Iacob Isa. 14:1
• et erit in die illa adtenuabitur gloria Iacob et pingue carnis eius marcescet Isa. 17:4
• qui egrediuntur impetu ad Iacob florebit et germinabit Israhel et implebunt faciem orbis semine Isa. 27:6
• idcirco super hoc dimittetur iniquitas domui Iacob et iste omnis fructus ut auferatur peccatum eius cum posuerit omnes lapides altaris sicut lapides cineris adlisos non stabunt luci et delubra Isa. 27:9
• propter hoc haec dicit Dominus ad domum Iacob qui redemit Abraham non modo confundetur Iacob nec modo vultus eius erubescet Isa. 29:22
• sed cum viderit filios suos opera manuum mearum in medio sui sanctificantes nomen meum et sanctificabunt Sanctum Iacob et Deum Israhel praedicabunt Isa. 29:23
• quare dicis Iacob et loqueris Israhel abscondita est via mea a Domino et a Deo meo iudicium meum transibit Isa. 40:27
• et tu Israhel serve meus Iacob quem elegi semen Abraham amici mei Isa. 41:8
• noli timere vermis Iacob qui mortui estis ex Israhel ego auxiliatus sum tui dicit Dominus et redemptor tuus Sanctus Israhel Isa. 41:14
• prope facite iudicium vestrum dicit Dominus adferte si quid forte habetis dixit Rex Iacob Isa. 41:21
• quis dedit in direptionem Iacob et Israhel vastantibus nonne Dominus ipse cui peccavimus et noluerunt in viis eius ambulare et non audierunt legem eius Isa. 42:24
• et nunc haec dicit Dominus creans te Iacob et formans te Israhel noli timere quia redemi te et vocavi nomine tuo meus es tu Isa. 43:1
• non me invocasti Iacob nec laborasti in me Israhel Isa. 43:22
• et contaminavi principes sanctos dedi ad internicionem Iacob et Israhel in blasphemiam Isa. 43:28
• et nunc audi Iacob serve meus et Israhel quem elegi Isa. 44:1
• haec dicit Dominus faciens et formans te ab utero auxiliator tuus noli timere serve meus Iacob et Rectissime quem elegi Isa. 44:2
• iste dicet Domini ego sum et ille vocabit in nomine Iacob et hic scribet manu sua Domino et in nomine Israhel adsimilabitur Isa. 44:5
• memento horum Iacob et Israhel quoniam servus meus es tu formavi te servus meus es tu Israhel non oblivisceris mei Isa. 44:21
• laudate caeli quoniam fecit Dominus iubilate extrema terrae resonate montes laudationem saltus et omne lignum eius quoniam redemit Dominus Iacob et Israhel gloriabitur Isa. 44:23
• propter servum meum Iacob et Israhel electum meum et vocavi te in nomine tuo adsimilavi te et non cognovisti me Isa. 45:4
• non in abscondito locutus sum in loco terrae tenebroso non dixi semini Iacob frustra quaerite me ego Dominus loquens iustitiam adnuntians recta Isa. 45:19
• audite me domus Iacob et omne residuum domus Israhel qui portamini a meo utero qui gestamini a mea vulva Isa. 46:3
• audite hoc domus Iacob qui vocamini nomine Israhel et de aquis Iuda existis qui iuratis in nomine Domini et Dei Israhel recordamini non in veritate neque in iustitia Isa. 48:1
• audi me Iacob et Israhel quem ego voco ego ipse ego primus et ego novissimus Isa. 48:12
• egredimini de Babylone fugite a Chaldeis in voce exultationis adnuntiate auditum facite hoc efferte illud usque ad extrema terrae dicite redemit Dominus servum suum Iacob Isa. 48:20
• et nunc dicit Dominus formans me ex utero servum sibi ut reducam Iacob ad eum et Israhel non congregabitur et glorificatus sum in oculis Domini et Deus meus factus est fortitudo mea Isa. 49:5
• et dixit parum est ut sis mihi servus ad suscitandas tribus Iacob et feces Israhel convertendas dedi te in lucem gentium ut sis salus mea usque ad extremum terrae Isa. 49:6
• et cibabo hostes tuos carnibus suis et quasi musto sanguine suo inebriabuntur et sciet omnis caro quia ego Dominus salvans te et redemptor tuus Fortis Iacob Isa. 49:26
• clama ne cesses quasi tuba exalta vocem tuam et adnuntia populo meo scelera eorum et domui Iacob peccata eorum Isa. 58:1
• tunc delectaberis super Domino et sustollam te super altitudines terrae et cibabo te hereditate Iacob patris tui os enim Domini locutum est Isa. 58:14
• et venerit Sion redemptor et eis qui redeunt ab iniquitate in Iacob dicit Dominus Isa. 59:20
• et suges lac gentium et mamilla regum lactaberis et scies quia ego Dominus salvans te et redemptor tuus Fortis Iacob Isa. 60:16
• et educam de Iacob semen et de Iuda possidentem montes meos et hereditabunt eam electi mei et servi mei habitabunt ibi Isa. 65:9
• audite verbum Domini domus Iacob et omnes cognationes domus Israhel Jer. 2:4
• adnuntiate hoc domui Iacob et auditum facite in Iuda dicentes Jer. 5:20
• non est his similis pars Iacob qui enim formavit omnia ipse est et Israhel virga hereditatis eius Dominus exercituum nomen illi Jer. 10:16
• effunde indignationem tuam super gentes quae non cognoverunt te et super provincias quae nomen tuum non invocaverunt quia comederunt Iacob et devoraverunt eum et consumpserunt illum et decus eius dissipaverunt Jer. 10:25
• vae quia magna dies illa nec est similis eius tempusque tribulationis est Iacob et ex ipso salvabitur Jer. 30:7
• tu ergo ne timeas serve meus Iacob ait Dominus neque paveas Israhel quia ecce ego salvo te de terra longinqua et semen tuum de terra captivitatis eorum et revertetur Iacob et quiescet et cunctis affluet et non erit quem formidet Jer. 30:10
• haec dicit Dominus ecce ego convertam conversionem tabernaculorum Iacob et tectis eius miserebor et aedificabitur civitas in excelso suo et templum iuxta ordinem suum fundabitur Jer. 30:18
• quia haec dicit Dominus exultate in laetitia Iacob et hinnite contra caput gentium personate canite et dicite salva Domine populum tuum reliquias Israhel Jer. 31:7
• redemit enim Dominus Iacob et liberavit eum de manu potentioris Jer. 31:11
• equidem et semen Iacob et David servi mei proiciam ut non adsumam de semine eius principes seminis Abraham et Isaac et Iacob reducam enim conversionem eorum et miserebor eis Jer. 33:26
• et tu ne timeas serve meus Iacob et ne paveas Israhel quia ecce ego salvum te faciam de longinquo et semen tuum de terra captivitatis suae et revertetur Iacob et quiescet et prosperabitur et non erit qui exterreat eum Jer. 46:27
• et tu noli timere serve meus Iacob ait Dominus quia tecum ego sum quia consumam ego cunctas gentes ad quas eieci te te vero non consumam sed castigabo te in iudicio nec quasi innocenti parcam tibi Jer. 46:28
• non sicut haec pars Iacob quia qui fecit omnia ipse est et Israhel sceptrum hereditatis eius Dominus exercituum nomen eius Jer. 51:19
• FE expandit Sion manus suas non est qui consoletur eam mandavit Dominus adversum Iacob in circuitu eius hostes eius facta est Hierusalem quasi polluta menstruis inter eos Lam. 1:17
• BETH praecipitavit Dominus nec pepercit omnia speciosa Iacob destruxit in furore suo munitiones virginis Iuda deiecit in terram polluit regnum et principes eius Lam. 2:2
• GIMEL confregit in ira furoris omne cornu Israhel avertit retrorsum dexteram suam a facie inimici et succendit in Iacob quasi ignem flammae devorantis in gyro Lam. 2:3
• et revocabo illos in terram quam iuravi patribus illorum Abraham et Isaac et Iacob et dominabuntur eius et multiplicabo eos et non minorabuntur Bar. 2:34
• hic adinvenit omnem viam disciplinae et tradidit illam Iacob puero suo et Israhel dilecto suo Bar. 3:37
• convertere Iacob et adprehende eam ambula per viam ad splendorem eius contra lumen eius Bar. 4:2
• et dices ad eos haec dicit Dominus Deus in die qua elegi Israhel et levavi manum meam pro stirpe domus Iacob et apparui eis in terra Aegypti et levavi manum meam pro eis dicens ego Dominus Deus vester Ezec. 20:5
• haec dicit Dominus Deus quando congregavero domum Israhel de populis in quibus dispersi sunt sanctificabor in eis coram gentibus et habitabunt in terra sua quam dedi servo meo Iacob Ezec. 28:25
• et habitabunt super terram quam dedi servo meo Iacob in qua habitaverunt patres vestri et habitabunt super eam ipsi et filii eorum et filii filiorum eorum usque in sempiternum et David servus meus princeps eorum in perpetuum Ezec. 37:25
• propterea haec dicit Dominus Deus nunc reducam captivitatem Iacob et miserebor omnis domus Israhel et adsumam zelum pro nomine sancto meo Ezec. 39:25
• Ephraim vitula docta diligere trituram et ego transivi super pulchritudinem colli eius ascendam super Ephraim arabit Iudas confringet sibi sulcos Iacob Osee 10:11
• iudicium ergo Domini cum Iuda et visitatio super Iacob iuxta vias eius et iuxta adinventiones eius reddet ei Osee 12:2
• fugit Iacob in regionem Syriae et servivit Israhel in uxore et in uxore servavit Osee 12:12
• audite et contestamini in domo Iacob dicit Dominus Deus exercituum Amos 3:13
• iuravit Dominus Deus in anima sua dicit Dominus Deus exercituum detestor ego superbiam Iacob et domos eius odi et tradam civitatem cum habitatoribus suis Amos 6:8
• et factum est cum consummasset comedere herbam terrae et dixi Domine Deus propitius esto obsecro quis suscitabit Iacob quia parvulus est Amos 7:2
• et dixi Domine Deus quiesce obsecro quis suscitabit Iacob quia parvulus est Amos 7:5
• iuravit Dominus in superbia Iacob si oblitus fuero usque ad finem omnia opera eorum Amos 8:7
• ecce oculi Domini Dei super regnum peccans et conteram illud a facie terrae verumtamen conterens non conteram domum Iacob dicit Dominus Amos 9:8
• propter interfectionem et propter iniquitatem in fratrem tuum Iacob operiet te confusio et peribis in aeternum Abd. 1:10
• et in monte Sion erit salvatio et erit sanctus et possidebit domus Iacob eos qui se possederant Abd. 1:17
• et erit domus Iacob ignis et domus Ioseph flamma et domus Esau stipula et succendentur in eis et devorabunt eos et non erunt reliquiae domus Esau quia Dominus locutus est Abd. 1:18
• in scelere Iacob omne istud et in peccatis domus Israhel quod scelus Iacob nonne Samaria et quae excelsa Iudae nonne Hierusalem Mic. 1:5
• dicit domus Iacob numquid adbreviatus est spiritus Domini aut tales sunt cogitationes eius nonne verba mea bona sunt cum eo qui recte graditur Mic. 2:7
• congregatione congregabo Iacob totum te in unum conducam reliquias Israhel pariter ponam illum quasi gregem in ovili quasi pecus in medio caularum tumultuabuntur a multitudine hominum Mic. 2:12
• et dixi audite principes Iacob et duces domus Israhel numquid non vestrum est scire iudicium Mic. 3:1
• verumtamen ego repletus sum fortitudine spiritus Domini iudicio et virtute ut adnuntiem Iacob scelus suum et Israhel peccatum suum Mic. 3:8
• audite haec principes domus Iacob et iudices domus Israhel qui abominamini iudicium et omnia recta pervertitis Mic. 3:9
• et properabunt gentes multae et dicent venite ascendamus ad montem Domini et ad domum Dei Iacob et docebit nos de viis suis et ibimus in semitis eius quia de Sion egredietur lex et verbum Domini de Hierusalem Mic. 4:2
• et erunt reliquiae Iacob in medio populorum multorum quasi ros a Domino et quasi stillae super herbam quae non expectat virum et non praestolatur filios hominum Mic. 5:7
• et erunt reliquiae Iacob in gentibus in medio populorum multorum quasi leo in iumentis silvarum et quasi catulus leonis in gregibus pecorum qui cum transierit et conculcaverit et ceperit non est qui eruat Mic. 5:8
• dabis veritatem Iacob misericordiam Abraham quae iurasti patribus nostris a diebus antiquis Mic. 7:20
• quia reddidit Dominus superbiam Iacob sicut superbiam Israhel quia vastatores dissipaverunt eos et propagines eorum corruperunt Nah. 2:2
• dilexi vos dicit Dominus et dixistis in quo dilexisti nos nonne frater erat Esau Iacob dicit Dominus et dilexi Iacob Mal. 1:2
• disperdat Dominus virum qui fecerit hoc magistrum et discipulum de tabernaculis Iacob et offerentem munus Domino exercituum Mal. 2:12
• ego enim Dominus et non mutor et vos filii Iacob non estis consumpti Mal. 3:6
• et commota est terra super habitantes in ea et universa domus Iacob induit confusionem 1 Ma. 1:29
• et exacerbabat reges multos et laetificabat Iacob in operibus suis et in saeculum memoria eius in benedictione 1 Ma. 3:7
• et Hierusalem non habitabatur sed erat sicut desertum non erat qui ingrederetur et egrederetur de natis eius et sanctum conculcabatur et filii alienigenarum erant in arce ibi erat habitatio gentium et ablata est voluptas ab Iacob et defecit ibi tibia et cithara 1 Ma. 3:45
• et cogitabant tollere genus Iacob qui erant inter eos et coeperunt occidere de populo et persequi 1 Ma. 5:2
• et elegit Iudas Eupolemum filium Iohannis filii Iacob et Iasonem filium Eleazari et misit eos Romam constituere cum illis amicitiam et societatem 1 Ma. 8:17
• benefaciat vobis Deus et meminerit testamenti sui quod est ad Abraham et Isaac et Iacob servorum suorum fidelium 2 Ma. 1:2
• Abraham genuit Isaac Isaac autem genuit Iacob Iacob autem genuit Iudam et fratres eius Mt. 1:2
• Eliud autem genuit Eleazar Eleazar autem genuit Matthan Matthan autem genuit Iacob Mt. 1:15
• Iacob autem genuit Ioseph virum Mariae de qua natus est Iesus qui vocatur Christus Mt. 1:16
• dico autem vobis quod multi ab oriente et occidente venient et recumbent cum Abraham et Isaac et Iacob in regno caelorum Mt. 8:11
• ego sum Deus Abraham et Deus Isaac et Deus Iacob non est Deus mortuorum sed viventium Mt. 22:32
• de mortuis autem quod resurgant non legistis in libro Mosi super rubum quomodo dixerit illi Deus inquiens ego sum Deus Abraham et Deus Isaac et Deus Iacob Mk. 12:26
• et regnabit in domo Iacob in aeternum et regni eius non erit finis Lk. 1:33
• qui fuit Iacob qui fuit Isaac qui fuit Abraham qui fuit Thare qui fuit Nachor Lk. 3:34
• ibi erit fletus et stridor dentium cum videritis Abraham et Isaac et Iacob et omnes prophetas in regno Dei vos autem expelli foras Lk. 13:28
• quia vero resurgant mortui et Moses ostendit secus rubum sicut dicit Dominum Deum Abraham et Deum Isaac et Deum Iacob Lk. 20:37
• venit ergo in civitatem Samariae quae dicitur Sychar iuxta praedium quod dedit Iacob Ioseph filio suo Jn. 4:5
• erat autem ibi fons Iacob Iesus ergo fatigatus ex itinere sedebat sic super fontem hora erat quasi sexta Jn. 4:6
• numquid tu maior es patre nostro Iacob qui dedit nobis puteum et ipse ex eo bibit et filii eius et pecora eius Jn. 4:12
• Deus Abraham et Deus Isaac et Deus Iacob Deus patrum nostrorum glorificavit Filium suum Iesum quem vos quidem tradidistis et negastis ante faciem Pilati iudicante illo dimitti Acts 3:13
• et dedit illi testamentum circumcisionis et sic genuit Isaac et circumcidit eum die octava et Isaac Iacob et Iacob duodecim patriarchas Acts 7:8
• cum audisset autem Iacob esse frumentum in Aegypto misit patres nostros primum Acts 7:12
• mittens autem Ioseph accersivit Iacob patrem suum et omnem cognationem in animabus septuaginta quinque Acts 7:14
• et descendit Iacob in Aegyptum et defunctus est ipse et patres nostri Acts 7:15
• ego Deus patrum tuorum Deus Abraham et Deus Isaac et Deus Iacob tremefactus autem Moses non audebat considerare Acts 7:32
• qui invenit gratiam ante Deum et petiit ut inveniret tabernaculum Deo Iacob Acts 7:46
• sicut scriptum est Iacob dilexi Esau autem odio habui Rom. 9:13
• et sic omnis Israhel salvus fieret sicut scriptum est veniet ex Sion qui eripiat avertet impietates ab Iacob Rom. 11:26
• fide moratus est in terra repromissionis tamquam in aliena in casulis habitando cum Isaac et Iacob coheredibus repromissionis eiusdem Heb. 11:9
• fide et de futuris benedixit Isaac Iacob et Esau Heb. 11:20
• fide Iacob moriens singulis filiorum Ioseph benedixit et adoravit fastigium virgae eius Heb. 11:21
• Domine Deus omnipotens patrum nostrorum, Abraham, Isaac et Iacob et semini eorum iusto, Man. 1:1
• et tu Deus iustorum, non posuisti paenitentiam iustis Abraham, Isaac et Iacob, his qui tibi non peccaverunt. Man. 1:8
• quid tibi faciam, Iacob? noluisti me obaudire, Iuda. transferam me ad alias gentes et dabo eis nomen meum, ut custodiant legitima mea. 4 Esd. 1:24
• quibus dabo ducatum Abraham, Isaac et Iacob et Osee et Amos et Michae et Iohelis et Abdiae et Ionae 4 Esd. 1:39
• et segregasti tibi Iacob, Esau autem separasti. et factus est Iacob in multitudine magna. 4 Esd. 3:16
• et transiit gloria tua portas quattuor, ignis et terraemotus et spiritus et gelu, ut dares semini Iacob legem et generationi Israhel diligentiam. 4 Esd. 3:19
• aut alia gens cognovit te praeter Israhel? aut quae tribus crediderunt testamentis sicut haec Iacob. 4 Esd. 3:32
• et dixit ad me: non potes. et dixi: quare, domine, aut quid nascebar, aut quare non fiebat matrix matris meae mihi sepulchrum, ut non viderem laborem Iacob et defatigationem generis Israhel? 4 Esd. 5:35
• et dixit ad me: ab Abraham usque ad Abraham, quoniam ab eo natus est Iacob et Esau, manus enim Iacob tenebat ab initio calcaneum Esau. 4 Esd. 6:8
• finis enim huius saeculi Esau, et principium sequentis Iacob. 4 Esd. 6:9
• et de hereditate tua propter quam lugeo, et de Israhel propter quem tristis sum, et de semine Iacob propter quod conturbor. 4 Esd. 8:16
• tu Israhel audi me, et semen Iacob intendite sermonibus meis. 4 Esd. 9:30
• confide, Israhel, et noli tristari, tu domus Iacob. 4 Esd. 12:46