Haller's Concordance: IUSTORUM

• nec accipias munera quae excaecant etiam prudentes et subvertunt verba iustorum Ex. 23:8
• quis dinumerare possit pulverem Iacob et nosse numerum stirpis Israhel moriatur anima mea morte iustorum et fiant novissima mea horum similia Num. 23:10
• nec in alteram partem declinent non accipies personam nec munera quia munera excaecant oculos sapientium et mutant verba iustorum Dt. 16:19
• steteruntque sol et luna donec ulcisceretur se gens de inimicis suis nonne scriptum est hoc in libro Iustorum stetit itaque sol in medio caeli et non festinavit occumbere spatio unius diei Josu. 10:13
• et praecepit ut docerent filios Iuda arcum sicut scriptum est in libro Iustorum 2 Ki. 1:18
• nihil tamen interrogantes eam dimiserunt transire dicentes Deus patrum nostrorum det tibi gratiam et omne consilium tui cordis sua virtute corroboret ut glorietur super te Hierusalem et sit nomen tuum in numero sanctorum et iustorum Jud. 10:8
• Ad quorum clamorem cunctae concitatae sunt nationes, ut pugnarent contra gentem iustorum. Esther 11:7
• Conturbataque est gens iustorum timentium mala sua, et praeparata ad mortem. Esther 11:9
• propterea non resurgent impii in iudicio neque peccatores in congregatione iustorum Ps. 1:5
• quoniam novit Dominus viam iustorum et iter impiorum peribit Ps. 1:6
• thau salus iustorum a Domino fortitudo eorum in tempore tribulationis Ps. 37:39
• aleph confitebor Domino in toto corde beth in consilio iustorum et congregatione Ps. 111:1
• gimel potens in terra erit semen eius deleth generatio iustorum benedicetur Ps. 112:2
• vox laudis et salutis in tabernaculis iustorum Ps. 118:15
• quia non requiescet virga impietatis super sortem iustorum ut non mittant iusti in iniquitatem manus suas Ps. 125:3
• ut ambules in via bona et calles iustorum custodias Pr. 2:20
• egestas a Domino in domo impii habitacula autem iustorum benedicentur Pr. 3:33
• iustorum autem semita quasi lux splendens procedit et crescit usque ad perfectam diem Pr. 4:18
• expectatio iustorum laetitia spes autem impiorum peribit Pr. 10:28
• simplicitas iustorum diriget eos et subplantatio perversorum vastabit illos Pr. 11:3
• in bonis iustorum exultabit civitas et in perditione impiorum erit laudatio Pr. 11:10
• benedictione iustorum exaltabitur civitas et ore impiorum subvertetur Pr. 11:11
• manus in manu non erit innocens malus semen autem iustorum salvabitur Pr. 11:21
• desiderium iustorum omne bonum est praestolatio impiorum furor Pr. 11:23
• non roborabitur homo ex impietate et radix iustorum non commovebitur Pr. 12:3
• cogitationes iustorum iudicia et consilia impiorum fraudulentia Pr. 12:5
• verba impiorum insidiantur sanguini os iustorum liberabit eos Pr. 12:6
• verte impios et non erunt domus autem iustorum permanebit Pr. 12:7
• desiderium impii munimentum est pessimorum radix autem iustorum proficiet Pr. 12:12
• lux iustorum laetificat lucerna autem impiorum extinguetur Pr. 13:9
• domus impiorum delebitur tabernacula iustorum germinabunt Pr. 14:11
• iacebunt mali ante bonos et impii ante portas iustorum Pr. 14:19
• victimae impiorum abominabiles Domino vota iustorum placabilia Pr. 15:8
• iter pigrorum quasi sepes spinarum via iustorum absque offendiculo Pr. 15:19
• longe est Dominus ab impiis et orationes iustorum exaudiet Pr. 15:29
• semita iustorum declinat mala custos animae suae servat viam suam Pr. 16:17
• in exultatione iustorum multa gloria regnantibus impiis ruinae hominum Pr. 28:12
• in multiplicatione iustorum laetabitur vulgus cum impii sumpserint principatum gemet populus Pr. 29:2
• vidi impios sepultos qui etiam cum adviverent in loco sancto erant et laudabantur in civitate quasi iustorum operum sed et hoc vanitas est Eccl. 8:10
• est et alia vanitas quae fit super terram sunt iusti quibus multa proveniunt quasi opera egerint impiorum et sunt impii qui ita securi sunt quasi iustorum facta habeant sed et hoc vanissimum iudico Eccl. 8:14
• tamquam nugaces aestimati sumus ab illo et abstinet se a viis nostris tamquam ab inmunditiis et praefert novissima iustorum et gloriatur patrem Deum se habere Wis. 2:16
• iustorum autem animae in manu Dei sunt et non tanget illos tormentum mortis Wis. 3:1
• quod enim mirabile erat in aqua quae omnia extinguit plus ignis valebat vindex est enim orbis iustorum Wis. 16:17
• cum cogitarent iustorum occidere infantes et uno exposito filio et liberato in traductionem illorum multitudinem filiorum abstulisti et pariter illos perdidisti in aquam validam Wis. 18:5
• suscepta est autem a populo tuo sanitas quidem iustorum iniustorum autem exterminatio Wis. 18:7
• filii sapientiae ecclesia iustorum et natio illorum obaudientia et dilectio Sir. 3:1
• laqueo peribunt qui oblectantur casu iustorum dolor autem consumet illos antequam moriantur Sir. 27:32
• MEM propter peccata prophetarum eius iniquitates sacerdotum eius qui effuderunt in medio eius sanguinem iustorum Lam. 4:13
• et everterunt sensum suum, et declinaverunt oculos suos ut non viderent caelum, neque recordarentur iudiciorum iustorum. Dan. 13:9
• Benedicite spiritus, et animae iustorum Domino: laudate et superexaltate eum in saecula. Dan. A:63
• sic erit in consummatione saeculi exibunt angeli et separabunt malos de medio iustorum Mt. 13:49
• vae vobis scribae et Pharisaei hypocritae quia aedificatis sepulchra prophetarum et ornatis monumenta iustorum Mt. 23:29
• et ipse praecedet ante illum in spiritu et virtute Heliae ut convertat corda patrum in filios et incredibiles ad prudentiam iustorum parare Domino plebem perfectam Lk. 1:17
• et beatus eris quia non habent retribuere tibi retribuetur enim tibi in resurrectione iustorum Lk. 14:14
• spem habens in Deum quam et hii ipsi expectant resurrectionem futuram iustorum et iniquorum Acts 24:15
• et ecclesiam primitivorum qui conscripti sunt in caelis et iudicem omnium Deum et spiritus iustorum perfectorum Heb. 12:23
• et tu Deus iustorum, non posuisti paenitentiam iustis Abraham, Isaac et Iacob, his qui tibi non peccaverunt. Man. 1:8
• nonne de his interrogaverunt animae iustorum in promptuariis suis dicentes: usquequo spero sic? et quando venit fructus areae mercedis nostrae? 4 Esd. 4:35
• et ne forte propter nos inpediatur iustorum area, propter peccata inhabitantium super terram. 4 Esd. 4:39
• hic ordo animarum iustorum, ut amodo adnuntiatur; praedictae viae cruciatus quas patiuntur amodo qui neglexerint. 4 Esd. 7:99
• sed iucundabor super iustorum figmentum, peregrinationes quoque et salvationes et mercedis receptiones. 4 Esd. 8:39
• iudicium enim post mortem veniet, quando iterum revivescemus, et tunc iustorum nomina parebunt et impiorum facta ostendentur. 4 Esd. 14:35
• iam non silebo impietates eorum quae inreligiose agunt, nec sustinebo in his quae inique exercent. ecce sanguis innoxius et iustus clamat ad me, et animae iustorum clamant perseveranter. 4 Esd. 15:8