Haller's Concordance: LAUS
- fortitudo mea et laus mea Dominus et factus est mihi in salutem iste Deus meus et glorificabo eum Deus patris mei et exaltabo eum Ex. 15:2
- ipse est laus tua et Deus tuus qui fecit tibi haec magnalia et terribilia quae viderunt oculi tui Dt. 10:21
- tua est Domine magnificentia et potentia et gloria atque victoria et tibi laus cuncta enim quae in caelo sunt et in terra tua sunt tuum Domine regnum et tu es super omnes principes 1 Par. 29:11
- quia hodie nomen tuum ita magnificavit ut non recedat laus tua de ore hominum qui memores fuerint virtutis Domini in aeternum pro quibus non pepercisti animae tuae propter angustias et tribulationem generis tui sed subvenisti ruinae ante conspectum Dei nostri Jud. 13:25
- quod laus impiorum brevis sit et gaudium hypocritae ad instar puncti Job 20:5
- et tu sancte habitator Laus Israhel Ps. 22:3
- apud te laus mea in ecclesia multa vota mea reddam in conspectu timentium eum Ps. 22:25
- quoniam ad momentum est ira eius et vita in repropitiatione eius ad vesperum commorabitur fletus et in matutino laus Ps. 30:5
- tu es protectio mea ab hoste custodies me laus mea salvans circumdabis me semper Ps. 32:7
- benedicam Domino in omni tempore semper laus eius in ore meo Ps. 34:1
- secundum nomen tuum Deus sic laus tua usque ad extremum terrae iustitia repleta est dextera tua Ps. 48:10
- tibi silens laus Deus in Sion et tibi reddetur votum Ps. 65:1
- a te sustentatus sum ex utero de ventre matris meae tu es protector meus in te laus mea semper Ps. 71:6
- res principium sapientiae timor Domini sen doctrina bona cunctis qui faciunt ea thau laus eius perseverans iugiter alleluia Ps. 111:10
- fortitudo mea et laus mea Dominus et factus est mihi in salutem Ps. 118:14
- ingrediatur laus mea coram te Domine secundum verbum tuum doce me Ps. 119:169
- gloria eius in caelo et in terra et exaltavit cornu populi sui laus omnibus sanctis eius filiis Israhel populo adpropinquanti sibi alleluia Ps. 148:14
- cantate Domino canticum novum laus eius in congregatione sanctorum Ps. 149:1
- non est speciosa laus in ore peccatoris Sir. 15:9
- quoniam a Deo profecta est sapientia sapientiae enim Dei adstabit laus et in ore fideli abundabit et Dominator dabit eam illi Sir. 15:10
- sapientiae laus sapientia laudabit animam suam et in Deo honorabitur et in medio populi sui gloriabitur Sir. 24:1
- laus patrum laudemus viros gloriosos et parentes nostros in generatione sua Sir. 44:1
- ecce Deus salvator meus fiducialiter agam et non timebo quia fortitudo mea et laus mea Dominus Deus et factus est mihi in salutem Isa. 12:2
- cantate Domino canticum novum laus eius ab extremis terrae qui descenditis in mare et plenitudo eius insulae et habitatores earum Isa. 42:10
- sana me Domine et sanabor salvum me fac et salvus ero quoniam laus mea tu es Jer. 17:14
- et egredietur de eis laus voxque ludentium et multiplicabo eos et non inminuentur et glorificabo eos et non adtenuabuntur Jer. 30:19
- sed qui in abscondito Iudaeus et circumcisio cordis in spiritu non littera cuius laus non ex hominibus sed ex Deo est Rom. 2:29
- itaque nolite ante tempus iudicare quoadusque veniat Dominus qui et inluminabit abscondita tenebrarum et manifestabit consilia cordium et tunc laus erit unicuique a Deo 1 Cor. 4:5
- misimus etiam cum illo fratrem cuius laus est in evangelio per omnes ecclesias 2 Cor. 8:18
- de cetero fratres quaecumque sunt vera quaecumque pudica quaecumque iusta quaecumque sancta quaecumque amabilia quaecumque bonae famae si qua virtus si qua laus haec cogitate Phil. 4:8