Haller's Concordance: LUX

• dixitque Deus fiat lux et facta est lux Gen. 1:3
• nemo vidit fratrem suum nec movit se de loco in quo erat ubicumque autem habitabant filii Israhel lux erat Ex. 10:23
• quibus ille respondit numquid ultores estis Baal et pugnatis pro eo qui adversarius eius est moriatur antequam lux crastina veniat si deus est vindicet se de eo qui suffodit aram eius Judg. 6:31
• sicut lux aurorae oriente sole mane absque nubibus rutilat et sicut pluviis germinat herba de terra 2 Ki. 23:4
• Lux et sol ortus est, et humiles exaltati sunt, et devoraverunt inclytos. Esther 11:11
• Iudaeis autem nova lux oriri visa est, gaudium, honor, et tripudium. Esther 8:16
• quare data est misero lux et vita his qui in amaritudine animae sunt Job 3:20
• nonne lux impii extinguetur nec splendebit flamma ignis eius Job 18:5
• lux obtenebrescet in tabernaculo illius et lucerna quae super eum est extinguetur Job 18:6
• terminum circumdedit aquis usque dum finiantur lux et tenebrae Job 26:10
• si quando ridebam ad eos non credebant et lux vultus mei non cadebat in terram Job 29:24
• auferetur ab impiis lux sua et brachium excelsum confringetur Job 38:15
• in qua via habitet lux et tenebrarum quis locus sit Job 38:19
• per quam viam spargitur lux dividitur aestus super terram Job 38:24
• Dominus lux mea et salutare meum quem timebo Dominus fortitudo vitae meae quem formidabo Ps. 27:1
• cor meum fluctuabat dereliquit me fortitudo mea et lux oculorum meorum etiam ipsa non est mecum Ps. 38:10
• non enim in gladio suo possederunt terram neque brachium eorum salvavit eos sed dextera tua et brachium tuum et lux vultus tui quia conplacuisti tibi Ps. 44:3
• lux orta est iusto et rectis corde laetitia Ps. 97:11
• lucerna pedi meo verbum tuum et lux semitae meae Ps. 119:105
• si dixero forte tenebrae operient me nox quoque lux erit circa me Ps. 139:11
• nec tenebrae habent tenebras apud te et nox quasi dies lucet similes sunt tenebrae et lux Ps. 139:12
• iustorum autem semita quasi lux splendens procedit et crescit usque ad perfectam diem Pr. 4:18
• quia mandatum lucerna est et lex lux et via vitae increpatio disciplinae Pr. 6:23
• lux iustorum laetificat lucerna autem impiorum extinguetur Pr. 13:9
• lux oculorum laetificat animam fama bona inpinguat ossa Pr. 15:30
• et vidi quia tantum praecederet sapientia stultitiam quantum differt lux tenebris Eccl. 2:13
• sanctis autem tuis maxima erat lux et horum quidem vocem audiebant sed figuram non videbant et quia non et ipsi per eadem passi erant magnificabant Wis. 18:1
• super mortuum plora defecit enim lux eius et super fatuum plora defecit enim sensus Sir. 22:10
• quare dies diem superat et iterum lux lucem et annus annum a sole Sir. 33:7
• si enim haec fecerit ad omnia valebit quia lux Dei vestigium eius est Sir. 50:31
• et sonabit super eum in die illa sicut sonitus maris aspiciemus in terram et ecce tenebrae tribulationis et lux obtenebrata est in caligine eius Isa. 5:30
• ad legem magis et ad testimonium quod si non dixerint iuxta verbum hoc non erit eis matutina lux Isa. 8:20
• populus qui ambulabat in tenebris vidit lucem magnam habitantibus in regione umbrae mortis lux orta est eis Isa. 9:2
• quia haec dicit Dominus ad me quiescam et considerabo in loco meo sicut meridiana lux clara est et sicut nubes roris in die messis Isa. 18:4
• et erit lux lunae sicut lux solis et lux solis erit septempliciter sicut lux septem dierum in die qua alligaverit Dominus vulnus populi sui et percussuram plagae eius sanaverit Isa. 30:26
• cum effuderis esurienti animam tuam et animam adflictam repleveris orietur in tenebris lux tua et tenebrae tuae erunt sicut meridies Isa. 58:10
• aspexi terram et ecce vacua erat et nihili et caelos et non erat lux in eis Jer. 4:23
• Ipse revelat profunda, et abscondita, et novit in tenebris constituta: et lux cum eo est. Dan. 2:22
• Benedicite lux, et tenebrae Domino: laudate et superexaltate eum in saecula. Dan. A:49
• propter hoc dolavi in prophetis occidi eos in verbis oris mei et iudicia tua quasi lux egredientur Osee 6:5
• vae desiderantibus diem Domini ad quid eam vobis dies Domini ista tenebrae et non lux Amos 5:18
• numquid non tenebrae dies Domini et non lux et caligo et non splendor in ea Amos 5:20
• ne laeteris inimica mea super me quia cecidi consurgam cum sedero in tenebris Dominus lux mea est Mic. 7:8
• splendor eius ut lux erit cornua in manibus eius ibi abscondita est fortitudo eius Hab. 3:4
• et erit in die illa non erit lux sed frigus et gelu Zach. 14:6
• et erit dies una quae nota est Domino non dies neque nox et in tempore vesperae erit lux Zach. 14:7
• populus qui sedebat in tenebris lucem vidit magnam et sedentibus in regione et umbra mortis lux orta est eis Mt. 4:16
• vos estis lux mundi non potest civitas abscondi supra montem posita Mt. 5:14
• sic luceat lux vestra coram hominibus ut videant vestra bona opera et glorificent Patrem vestrum qui in caelis est Mt. 5:16
• in ipso vita erat et vita erat lux hominum Jn. 1:4
• et lux in tenebris lucet et tenebrae eam non conprehenderunt Jn. 1:5
• non erat ille lux sed ut testimonium perhiberet de lumine Jn. 1:8
• erat lux vera quae inluminat omnem hominem venientem in mundum Jn. 1:9
• hoc est autem iudicium quia lux venit in mundum et dilexerunt homines magis tenebras quam lucem erant enim eorum mala opera Jn. 3:19
• iterum ergo locutus est eis Iesus dicens ego sum lux mundi qui sequitur me non ambulabit in tenebris sed habebit lucem vitae Jn. 8:12
• quamdiu in mundo sum lux sum mundi Jn. 9:5
• si autem ambulaverit nocte offendit quia lux non est in eo Jn. 11:10
• ego lux in mundum veni ut omnis qui credit in me in tenebris non maneat Jn. 12:46
• et cum iter faceret contigit ut adpropinquaret Damasco et subito circumfulsit eum lux de caelo Acts 9:3
• factum est autem eunte me et adpropinquante Damasco media die subito de caelo circumfulsit me lux copiosa Acts 22:6
• et cum lux inciperet fieri rogabat Paulus omnes sumere cibum dicens quartadecima hodie die expectantes ieiuni permanetis nihil accipientes Acts 27:33
• eratis enim aliquando tenebrae nunc autem lux in Domino ut filii lucis ambulate Eph. 5:8
• et haec est adnuntiatio quam audivimus ab eo et adnuntiamus vobis quoniam Deus lux est et tenebrae in eo non sunt ullae 1 Jn. 1:5
• et lux lucernae non lucebit tibi amplius et vox sponsi et sponsae non audietur adhuc in te quia mercatores tui erant principes terrae quia in veneficiis tuis erraverunt omnes gentes Apoc. 18:23
• parati estote ad praemia regni, quia lux perpetua lucebit vobis per aeternitatem temporis. 4 Esd. 2:35