Haller's Concordance: PAUPER

• dives non addet ad medium sicli et pauper nihil minuet Ex. 30:15
• quod si pauper est et non potest manus eius invenire quae dicta sunt adsumet agnum pro delicto ad oblationem ut roget pro eo sacerdos decimamque partem similae conspersae oleo in sacrificium et olei sextarium Lev. 14:21
• si pauper fuerit et aestimationem reddere non valebit stabit coram sacerdote et quantum ille aestimaverit et viderit eum posse reddere tantum dabit Lev. 27:8
• sin autem pauper est non pernoctabit apud te pignus Dt. 24:12
• sed eadem die reddes ei pretium laboris sui ante solis occasum quia pauper est et ex eo sustentat animam suam ne clamet contra te ad Dominum et reputetur tibi in peccatum Dt. 24:15
• et locuti sunt servi Saul in auribus David omnia verba haec et ait David num parum vobis videtur generum esse regis ego autem sum vir pauper et tenuis 1 Ki. 18:23
• misit ergo Dominus Nathan ad David qui cum venisset ad eum dixit ei duo viri erant in civitate una unus dives et alter pauper 2 Ki. 12:1
• pauper autem nihil habebat omnino praeter ovem unam parvulam quam emerat et nutrierat et quae creverat apud eum cum filiis eius simul de pane illius comedens et de calice eius bibens et in sinu illius dormiens eratque illi sicut filia 2 Ki. 12:3
• quoniam non in aeternum oblivioni erit pauper expectatio pauperum non peribit in perpetuum Ps. 9:18
• in superbia impii ardet pauper capiantur in sceleribus quae cogitaverunt Ps. 10:2
• respice in me et miserere mei quoniam solus et pauper sum ego Ps. 25:16
• hic pauper clamavit et Dominus exaudivit de omnibus tribulationibus salvabit eum Ps. 34:6
• ego autem sum egens et pauper Dominus sollicitus erit pro me auxilium meum et salutare meum tu Deus meus ne moreris Ps. 40:17
• tam filii Adam quam filii singulorum simul dives et pauper Ps. 49:2
• ego autem pauper et dolens salus tua Deus suscipiet me Ps. 69:29
• ego autem egenus et pauper Deus festina pro me auxilium meum et salvator meus tu Domine ne moreris Ps. 70:5
• ne revertatur confractus et confusus egenus et pauper laudabunt nomen tuum Ps. 74:21
• inclina Domine aurem tuam exaudi me quia egenus et pauper ego sum Ps. 86:1
• pauper ego et aerumnosus ab adulescentia portavi furorem tuum et conturbatus sum Ps. 88:15
• quoniam egenus et pauper sum et cor meum vulneratum est intrinsecus Ps. 109:22
• melior est pauper et sufficiens sibi quam gloriosus et indigens pane Pr. 12:9
• est quasi dives cum nihil habeat et est quasi pauper cum in multis divitiis sit Pr. 13:7
• redemptio animae viri divitiae suae qui autem pauper est increpationem non sustinet Pr. 13:8
• etiam proximo suo pauper odiosus erit amici vero divitum multi Pr. 14:20
• cum obsecrationibus loquetur pauper et dives effabitur rigide Pr. 18:23
• melior est pauper qui ambulat in simplicitate sua quam torquens labia insipiens Pr. 19:1
• homo indigens misericors est et melior pauper quam vir mendax Pr. 19:22
• dives et pauper obviaverunt sibi utriusque operator est Dominus Pr. 22:2
• non facias violentiam pauperi quia pauper est neque conteras egenum in porta Pr. 22:22
• vir pauper calumnians pauperes similis imbri vehementi in quo paratur fames Pr. 28:3
• melior est pauper ambulans in simplicitate sua quam dives pravis itineribus Pr. 28:6
• sapiens sibi videtur vir dives pauper autem prudens scrutabitur eum Pr. 28:11
• pauper et creditor obviam fuerunt sibi utriusque inluminator est Dominus Pr. 29:13
• melior est puer pauper et sapiens rege sene et stulto qui nescit providere in posterum Eccl. 4:13
• quid habet amplius sapiens ab stulto et quid pauper nisi ut pergat illuc ubi est vita Eccl. 6:8
• inventusque in ea vir pauper et sapiens liberavit urbem per sapientiam suam et nullus deinceps recordatus est hominis illius pauperis Eccl. 9:15
• pauper gloriatur per disciplinam et timorem suum et est homo qui honorificatur propter substantiam suam Sir. 10:33
• dives iniuste egit et fremebit pauper autem laesus tacebit Sir. 13:4
• et sicut abominatio est superbo humilitas sic execratio divitis pauper Sir. 13:24
• pauper locutus est et dicunt quis est hic et si offenderit subvertunt illum Sir. 13:29
• melior est pauper sanus et fortis viribus quam dives inbecillis et flagellatus malitia Sir. 30:14
• laboravit pauper in diminutione victus et in fine inops fit Sir. 31:4
• fraudulenti vasa pessima sunt ipse enim cogitationes concinnavit ad perdendos mites in sermone mendacii cum loqueretur pauper iudicium Isa. 32:7
• exulta satis filia Sion iubila filia Hierusalem ecce rex tuus veniet tibi iustus et salvator ipse pauper et ascendens super asinum et super pullum filium asinae Zach. 9:9
• cum venisset autem una vidua pauper misit duo minuta quod est quadrans Mk. 12:42
• et convocans discipulos suos ait illis amen dico vobis quoniam vidua haec pauper plus omnibus misit qui miserunt in gazofilacium Mk. 12:43
• et dixit vere dico vobis quia vidua haec pauper plus quam omnes misit Lk. 21:3
• etenim si introierit in conventu vestro vir aureum anulum habens in veste candida introierit autem et pauper in sordido habitu Jas. 2:2
• quia dicis quod dives sum et locupletatus et nullius egeo et nescis quia tu es miser et miserabilis et pauper et caecus et nudus Apoc. 3:17