Haller's Concordance: AURIBUS

• statimque de nocte consurgens Abimelech vocavit omnes servos suos et locutus est universa verba haec in auribus eorum timueruntque omnes viri valde Gen. 20:8
• dederunt ergo ei omnes deos alienos quos habebant et inaures quae erant in auribus eorum at ille infodit ea subter terebinthum quae est post urbem Sychem Gen. 35:4
• accedens propius Iudas confidenter ait oro domine mi loquatur servus tuus verbum in auribus tuis et ne irascaris famulo tuo tu es enim post Pharaonem Gen. 44:18
• et expleto planctus tempore locutus est Ioseph ad familiam Pharaonis si inveni gratiam in conspectu vestro loquimini in auribus Pharaonis Gen. 50:4
• et narres in auribus filii tui et nepotum tuorum quotiens contriverim Aegyptios et signa mea fecerim in eis et sciatis quia ego Dominus Ex. 10:2
• dixit autem Dominus ad Mosen scribe hoc ob monumentum in libro et trade auribus Iosue delebo enim memoriam Amalech sub caelo Ex. 17:14
• dixitque ad eos Aaron tollite inaures aureas de uxorum filiorumque et filiarum vestrarum auribus et adferte ad me Ex. 32:2
• vocavitque Moses omnem Israhelem et dixit ad eum audi Israhel caerimonias atque iudicia quae ego loquor in auribus vestris hodie discite ea et opere conplete Dt. 5:1
• venit ergo Moses et locutus est omnia verba cantici huius in auribus populi ipse et Iosue filius Nun Dt. 32:44
• cumque insonuerit vox tubae longior atque concisior et in auribus vestris increpuerit conclamabit omnis populus vociferatione maxima et muri funditus corruent civitatis ingredienturque singuli per locum contra quem steterint Josu. 6:5
• audite reges percipite auribus principes ego sum ego sum quae Domino canam psallam Domino Deo Israhel Judg. 5:3
• et audivit Samuhel omnia verba populi et locutus est ea in auribus Domini 1 Ki. 8:21
• dixitque Samuhel et quae est haec vox gregum quae resonat in auribus meis et armentorum quam ego audio 1 Ki. 15:14
• et locuti sunt servi Saul in auribus David omnia verba haec et ait David num parum vobis videtur generum esse regis ego autem sum vir pauper et tenuis 1 Ki. 18:23
• et cecidit ad pedes eius et dixit in me sit domine mi haec iniquitas loquatur obsecro ancilla tua in auribus tuis et audi verba famulae tuae 1 Ki. 25:24
• idcirco magnificatus es Domine Deus quia non est similis tui neque est deus extra te in omnibus quae audivimus auribus nostris 2 Ki. 7:22
• Domine non est similis tui et non est alius deus absque te ex omnibus quos audivimus auribus nostris 1 Par. 17:20
• quod cum percrebruisset in auribus multitudinis plurimas obtulere primitias filii Israhel frumenti vini et olei mellis quoque et omnium quae gignit humus decimas obtulerunt 2 Par. 31:5
• audite sermonem meum et enigmata percipite auribus vestris Job 13:17
• sonitus terroris semper in auribus illius et cum pax sit ille insidias suspicatur Job 15:21
• perditio et mors dixerunt auribus nostris audivimus famam eius Job 28:22
• dixisti ergo in auribus meis et vocem verborum audivi Job 33:8
• audi Deus iustum intende deprecationem meam auribus percipe orationem meam absque labiis mendacii Ps. 17:1
• Deus auribus nostris audivimus patres nostri narraverunt nobis opus quod operatus es in diebus eorum in diebus antiquis Ps. 44:1
• audite hoc omnes populi auribus percipite universi habitatores occidentis Ps. 49:1
• Deus exaudi orationem meam auribus percipe verba oris mei Ps. 54:2
• in auribus insipientium ne loquaris quia despicient doctrinam eloquii tui Pr. 23:9
• sicut qui adprehendit auribus canem sic qui transit et inpatiens commiscetur rixae alterius Pr. 26:17
• columba mea in foraminibus petrae in caverna maceriae ostende mihi faciem tuam sonet vox tua in auribus meis vox enim tua dulcis et facies tua decora Cant. 2:14
• audite me magnati et omnes populi et rectores ecclesiae auribus percipite Sir. 33:19
• qui navigat mare enarrat periculum eius et audientes auribus non admirabimur Sir. 43:26
• audite caeli et auribus percipe terra quoniam Dominus locutus est filios enutrivi et exaltavi ipsi autem spreverunt me Isa. 1:2
• audite verbum Domini principes Sodomorum percipite auribus legem Dei nostri populus Gomorrae Isa. 1:10
• in auribus meis sunt haec Domini exercituum nisi domus multae desertae fuerint grandes et pulchrae absque habitatore Isa. 5:9
• excaeca cor populi huius et aures eius adgrava et oculos eius claude ne forte videat oculis suis et auribus suis audiat et corde suo intellegat et convertatur et sanem eum Isa. 6:10
• et revelata est in auribus meis Domini exercituum si dimittetur iniquitas haec vobis donec moriamini dicit Dominus Deus exercituum Isa. 22:14
• auribus percipite et audite vocem meam adtendite et audite eloquium meum Isa. 28:23
• mulieres opulentae surgite et audite vocem meam filiae confidentes percipite auribus eloquium meum Isa. 32:9
• et dixit Eliachim et Sobna et Ioae ad Rabsacen loquere ad servos tuos syra lingua intellegimus enim ne loquaris ad nos iudaice in auribus populi qui est super murum Isa. 36:11
• adhuc dicent in auribus tuis filii sterilitatis tuae angustus mihi est locus fac spatium mihi ut habitem Isa. 49:20
• a saeculo non audierunt neque auribus perceperunt oculus non vidit Deus absque te quae praeparasti expectantibus te Isa. 64:4
• vade et clama in auribus Hierusalem dicens haec dicit Dominus recordatus sum tui miserans adulescentiam tuam et caritatem disponsationis tuae quando secuta me es in deserto in terra quae non seminatur Jer. 2:2
• audite et auribus percipite nolite elevari quia Dominus locutus est Jer. 13:15
• et locuti sunt sacerdotes et prophetae ad principes et ad omnem populum dicentes iudicium mortis est viro huic quia prophetavit adversum civitatem istam sicut audistis auribus vestris Jer. 26:11
• verumtamen scitote et cognoscite quod si occideritis me sanguinem innocentem traditis contra vosmet ipsos et contra civitatem istam et habitatores eius in veritate enim misit me Dominus ad vos ut loquerer in auribus vestris omnia verba haec Jer. 26:15
• verumtamen audi verbum hoc quod ego loquor in auribus tuis et in auribus universi populi Jer. 28:7
• legit ergo Sophonias sacerdos librum istum in auribus Hieremiae prophetae Jer. 29:29
• et nuntiavit eis Micheas omnia verba quae audivit legente Baruch ex volumine in auribus populi Jer. 36:13
• et dixerunt ad eum sede et lege haec in auribus nostris et legit Baruch in auribus eorum Jer. 36:15
• audi Israhel mandata vitae auribus percipite ut scias prudentiam Bar. 3:9
• et dixit ad me fili hominis omnes sermones meos quos loquor ad te adsume in corde tuo et auribus tuis audi Ezec. 3:10
• et clamavit in auribus meis voce magna dicens adpropinquaverunt visitationes urbis et unusquisque vas interfectionis habet in manu sua Ezec. 9:1
• et dedi inaurem super os tuum et circulos auribus tuis et coronam decoris in capite tuo Ezec. 16:12
• et locutus est ad me idem vir fili hominis vide oculis tuis et auribus tuis audi et pone cor tuum in omnia quae ego ostendam tibi quia ut ostendantur tibi adductus es huc adnuntia omnia quae tu vides domui Israhel Ezec. 40:4
• et dixit ad me Dominus fili hominis pone cor tuum et vide oculis tuis et auribus tuis audi omnia quae ego loquor ad te de universis caerimoniis domus Domini et de cunctis legibus eius et pones cor tuum in viis templi per omnes exitus sanctuarii Ezec. 44:5
• audite hoc senes et auribus percipite omnes habitatores terrae si factum est istud in diebus vestris aut in diebus patrum vestrorum Joel 1:2
• incrassatum est enim cor populi huius et auribus graviter audierunt et oculos suos cluserunt nequando oculis videant et auribus audiant et corde intellegant et convertantur et sanem eos Mt. 13:15
• ecce enim ut facta est vox salutationis tuae in auribus meis exultavit in gaudio infans in utero meo Lk. 1:44
• coepit autem dicere ad illos quia hodie impleta est haec scriptura in auribus vestris Lk. 4:21
• stans autem Petrus cum undecim levavit vocem suam et locutus est eis viri iudaei et qui habitatis Hierusalem universi hoc vobis notum sit et auribus percipite verba mea Acts 2:14
• dura cervice et incircumcisi cordibus et auribus vos semper Spiritui Sancto resistitis sicut patres vestri et vos Acts 7:51
• nova enim quaedam infers auribus nostris volumus ergo scire quidnam velint haec esse Acts 17:20
• incrassatum est enim cor populi huius et auribus graviter audierunt et oculos suos conpresserunt ne forte videant oculis et auribus audiant et corde intellegant et convertantur et sanem illos Acts 28:27
• erit enim tempus cum sanam doctrinam non sustinebunt sed ad sua desideria coacervabunt sibi magistros prurientes auribus 2 Tim. 4:3
• exaudi, Domine, orationem servi tui et auribus percipe precationem figmenti tui, intende verba mea. 4 Esd. 8:24