Haller's Concordance: VINO

• evigilans autem Noe ex vino cum didicisset quae fecerat ei filius suus minor Gen. 9:24
• veni inebriemus eum vino dormiamusque cum eo ut servare possimus ex patre nostro semen Gen. 19:32
• respondit Isaac dominum tuum illum constitui et omnes fratres eius servituti illius subiugavi frumento et vino stabilivi eum tibi post haec fili mi ultra quid faciam Gen. 27:37
• ligans ad vineam pullum suum et ad vitem o fili mi asinam suam lavabit vino stolam suam et sanguine uvae pallium suum Gen. 49:11
• pulchriores oculi eius vino et dentes lacte candidiores Gen. 49:12
• vino et omni quod inebriare potest abstinebunt acetum ex vino et ex qualibet alia potione et quicquid de uva exprimitur non bibent uvas recentes siccasque non comedent Num. 6:3
• praeceperat autem Absalom pueris suis dicens observate cum temulentus fuerit Amnon vino et dixero vobis percutite eum et interficite nolite timere ego enim sum qui praecepi vobis roboramini et estote viri fortes 2 Ki. 13:28
• de ipsis et qui credita habebant utensilia sanctuarii praeerant similae et vino et oleo et turi et aromatibus 1 Par. 9:29
• duces autem primi qui fuerant ante me gravaverunt populum et acceperunt ab eis in pane vino et pecunia cotidie siclos quadraginta sed et ministri eorum depresserant populum ego autem non feci ita propter timorem Dei 2 Esd. 5:15
• et sancta Domini sui quae praecepit Deus non contingi in frumento vino et oleo haec cogitaverunt inpendere et volunt consumere quae nec manibus deberent contingere ergo quoniam haec faciunt certum est quod in perditione dabuntur Jud. 11:12
• erant autem omnes fatigati a vino Jud. 13:2
• Dixitque ei rex etiam secunda die, postquam vino incaluerat: Quae est petitio tua Esther ut detur tibi? et quid vis fieri? etiam si dimidiam partem regni mei petieris, impetrabis. Esther 7:2
• ostendisti populo tuo duritiam potasti nos vino consopiente Ps. 60:3
• quia calix in manu Domini est et vino meraco usque ad plenum mixtus et propinabit ex eo verumtamen feces eius epotabunt bibentes omnes impii terrae Ps. 75:8
• et implebuntur horrea tua saturitate et vino torcularia redundabunt Pr. 3:10
• nonne his qui morantur in vino et student calicibus epotandis Pr. 23:30
• cogitavi in corde meo abstrahere a vino carnem meam ut animum meum transferrem ad sapientiam devitaremque stultitiam donec viderem quid esset utile filiis hominum quod facto opus est sub sole numero dierum vitae suae Eccl. 2:3
• osculetur me osculo oris sui quia meliora sunt ubera tua vino Cant. 1:2
• quam pulchrae sunt mammae tuae soror mea sponsa pulchriora ubera tua vino et odor unguentorum tuorum super omnia aromata Cant. 4:10
• adprehendam te et ducam in domum matris meae ibi me docebis et dabo tibi poculum ex vino condito et mustum malorum granatorum meorum Cant. 8:2
• vino pretioso et unguentis nos impleamus et non praetereat nos flos temporis Wis. 2:7
• et non alterceris cum ea in vino ne forte declinet cor tuum in illa et sanguine tuo labaris in perditionem Sir. 9:13
• diligentes in vino noli provocare multos enim exterminavit vinum Sir. 31:30
• quae est vita quae minuitur vino Sir. 31:33
• sicut in fabricatione auri signum est zmaragdi sic numerus musicorum in iucundo et moderato vino Sir. 32:8
• vae qui consurgitis mane ad ebrietatem sectandam et potandum usque ad vesperam ut vino aestuetis Isa. 5:11
• clamor erit super vino in plateis deserta est omnis laetitia translatum est gaudium terrae Isa. 24:11
• vae coronae superbiae ebriis Ephraim et flori decidenti gloriae exultationis eius qui erant in vertice vallis pinguissimae errantes a vino Isa. 28:1
• verum hii quoque prae vino nescierunt et prae ebrietate erraverunt sacerdos et propheta nescierunt prae ebrietate absorti sunt a vino erraverunt in ebrietate nescierunt videntem ignoraverunt iudicium Isa. 28:7
• obstupescite et admiramini fluctuate et vacillate inebriamini et non a vino movemini et non ebrietate Isa. 29:9
• idcirco audi hoc paupercula et ebria non a vino Isa. 51:21
• dices ergo ad eos sermonem istum haec dicit Dominus Deus Israhel omnis laguncula implebitur vino et dicent ad te numquid ignoramus quia omnis laguncula implebitur vino Jer. 13:12
• ad prophetas contritum est cor meum in medio mei contremuerunt omnia ossa mea factus sum quasi vir ebrius et quasi homo madidus a vino a facie Domini et a facie verborum sanctorum eius Jer. 23:9
• et venient et laudabunt in monte Sion et confluent ad bona Domini super frumento et vino et oleo et fetu pecorum et armentorum eritque anima eorum quasi hortus inriguus et ultra non esurient Jer. 31:12
• et posui coram filiis domus Rechabitarum scyphos plenos vino et calices et dixi ad eos bibite vinum Jer. 35:5
• calix aureus Babylon in manu Domini inebrians omnem terram de vino eius biberunt gentes et ideo commotae sunt Jer. 51:7
• Damascenus negotiator tuus in multitudine operum tuorum in multitudine diversarum opum in vino pingui in lanis coloris optimi Ezec. 27:18
• Et constituit eis rex annonam per singulos dies de cibis suis, et de vino unde bibebat ipse, ut enutriti tribus annis, postea starent in conspectu regis. Dan. 1:5
• Proposuit autem Daniel in corde suo ne pollueretur de mensa regis, neque de vino potus eius: et rogavit eunuchorum praepositum ne contaminaretur. Dan. 1:8
• dies regis nostri coeperunt principes furere a vino extendit manum suam cum inlusoribus Osee 7:5
• et implebuntur areae frumento et redundabunt torcularia vino et oleo Joel 2:24
• et super populum meum miserunt sortem et posuerunt puerum in prostibulum et puellam vendiderunt pro vino ut biberent Joel 3:3
• et propinabatis nazarenis vino et prophetis mandabatis dicentes ne prophetetis Amos 2:12
• Dominus exercituum proteget eos et devorabunt et subicient lapidibus fundae et bibentes inebriabuntur quasi vino et replebuntur ut fialae et quasi cornua altaris Zach. 9:15
• et erunt quasi fortes Ephraim et laetabitur cor eorum quasi a vino et filii eorum videbunt et laetabuntur et exultabit cor eorum in Domino Zach. 10:7
• et deficiente vino dicit mater Iesu ad eum vinum non habent Jn. 2:3
• et nolite inebriari vino in quo est luxuria sed implemini Spiritu Eph. 5:18
• diaconos similiter pudicos non bilingues non multo vino deditos non turpe lucrum sectantes 1 Tim. 3:8
• noli adhuc aquam bibere sed vino modico utere propter stomachum tuum et frequentes tuas infirmitates 1 Tim. 5:23
• anus similiter in habitu sancto non criminatrices non vino multo servientes bene docentes Tit. 2:3
• et alius angelus secutus est dicens cecidit cecidit Babylon illa magna quae a vino irae fornicationis suae potionavit omnes gentes Apoc. 14:8
• et hic bibet de vino irae Dei qui mixtus est mero in calice irae ipsius et cruciabitur igne et sulphure in conspectu angelorum sanctorum et ante conspectum agni Apoc. 14:10
• cum qua fornicati sunt reges terrae et inebriati sunt qui inhabitant terram de vino prostitutionis eius Apoc. 17:2
• et cum a vino merserint et surrexerint, non meminerunt quae gesserunt. 3 Esd. 3:23