Haller's Concordance: VITA

• cui dixit revertens veniam ad te tempore isto vita comite et habebit filium Sarra uxor tua quo audito Sarra risit post ostium tabernaculi Gen. 18:10
• numquid Deo est quicquam difficile iuxta condictum revertar ad te hoc eodem tempore vita comite et habebit Sarra filium Gen. 18:14
• haec erit lex homicidae fugientis cuius vita servanda est qui percusserit proximum suum nesciens et qui heri et nudius tertius nullum contra eum habuisse odium conprobatur Dt. 19:4
• et erit vita tua quasi pendens ante te timebis nocte et die et non credes vitae tuae Dt. 28:66
• et diligas Dominum Deum tuum atque oboedias voci eius et illi adhereas ipse est enim vita tua et longitudo dierum tuorum ut habites in terra pro qua iuravit Dominus patribus tuis Abraham Isaac et Iacob ut daret eam illis Dt. 30:20
• ait autem David ad Saul quis ego sum aut quae est vita mea aut cognatio patris mei in Israhel ut fiam gener regis 1 Ki. 18:18
• Saul et Ionathan amabiles et decori in vita sua in morte quoque non sunt divisi aquilis velociores leonibus fortiores 2 Ki. 1:23
• et respondit Ethai regi dicens vivit Dominus et vivit dominus meus rex quoniam in quocumque loco fueris domine mi rex sive in morte sive in vita ibi erit servus tuus 2 Ki. 15:21
• dixit ad eam in tempore isto et in hac eadem hora si vita comes fuerit habebis in utero filium at illa respondit noli quaeso domine mi vir Dei noli mentiri ancillae tuae 4 Ki. 4:16
• cumque diei succederet dies et temporum spatia volverentur duorum annorum expletus est circulus et sic longa consumptus tabe ita ut egereret etiam viscera sua languore pariter et vita caruit mortuusque est in infirmitate pessima et non fecit ei populus secundum morem conbustionis exequias sicut fecerat maioribus eius 2 Par. 21:19
• et offerant oblationes Deo caeli orentque pro vita regis et filiorum eius 1 Esd. 6:10
• hoc autem certum habet omnis qui colit te quia vita eius si in probatione fuerit coronabitur si autem in tribulatione fuerit liberabitur et si in correptione fuerit ad misericordiam tuam pervenire licebit Tob. 3:21
• omnis cognatio eius et omnis generatio eius in bona vita et sancta conversatione permansit ita ut accepti essent tam Deo quam hominibus et cunctis habitatoribus terrae Tob. 14:17
• et iucundus factus est Holofernis ad illam bibitque vinum nimis multum quantum numquam biberat in vita sua Jud. 12:20
• quare data est misero lux et vita his qui in amaritudine animae sunt Job 3:20
• militia est vita hominis super terram et sicut dies mercennarii dies eius Job 7:1
• memento quia ventus est vita mea et non revertetur oculus meus ut videat bona Job 7:7
• iustificationem meam quam coepi tenere non deseram nec enim reprehendit me cor meum in omni vita mea Job 27:6
• quorum virtus manuum erat mihi pro nihilo et vita ipsa putabantur indigni Job 30:2
• abominabilis ei fit in vita sua panis et animae illius cibus ante desiderabilis Job 33:20
• adpropinquabit corruptioni anima eius et vita illius mortiferis Job 33:22
• morietur in tempestate anima eorum et vita eorum inter effeminatos Job 36:14
• a viris manus tuae Domine qui mortui sunt in profundo quorum pars in vita et quorum de absconditis tuis replesti ventrem qui satiabuntur filiis et dimittent reliquias suas parvulis eorum Ps. 17:14
• quoniam ad momentum est ira eius et vita in repropitiatione eius ad vesperum commorabitur fletus et in matutino laus Ps. 30:5
• ecce breves posuisti dies meos et vita mea quasi non sit in conspectu tuo omnia enim vanitas omnis homo stans semper Ps. 39:5
• quia animae suae in vita sua benedicet laudabunt inquient te cum benefeceris tibi Ps. 49:18
• sic benedicam tibi in vita mea in nomine tuo levabo manus meas Ps. 63:4
• quia repleta est malis anima mea et vita mea ad infernum descendit Ps. 88:3
• cantabo Domino in vita mea psallam Deo quamdiu sum Ps. 104:33
• laudabo Dominum in vita mea cantabo Deo meo quamdiu sum nolite confidere in principibus Ps. 146:2
• et erit vita animae tuae et gratia faucibus tuis Pr. 3:22
• tene disciplinam ne dimittas eam custodi illam quia ipsa est vita tua Pr. 4:13
• vita enim sunt invenientibus ea et universae carni sanitas Pr. 4:22
• omni custodia serva cor tuum quia ex ipso vita procedit Pr. 4:23
• in semita iustitiae vita iter autem devium ducit ad mortem Pr. 12:28
• vita carnium sanitas cordis putredo ossuum invidia Pr. 14:30
• in hilaritate vultus regis vita et clementia eius quasi imber serotinus Pr. 16:15
• mors et vita in manu linguae qui diligunt eam comedent fructus eius Pr. 18:21
• finis modestiae timor Domini divitiae et gloria et vita Pr. 22:4
• propter peccata terrae multi principes eius et propter hominis sapientiam et horum scientiam quae dicuntur vita ducis longior erit Pr. 28:2
• et cognovi quod non esset melius nisi laetari et facere bene in vita sua Eccl. 3:12
• quid habet amplius sapiens ab stulto et quid pauper nisi ut pergat illuc ubi est vita Eccl. 6:8
• quid necesse est homini maiora se quaerere cum ignoret quid conducat sibi in vita sua numero dierum peregrinationis suae et tempore quo velut umbra praeterit aut quis ei poterit indicare quid post eum futurum sub sole sit Eccl. 6:12
• hoc est pessimum inter omnia quae sub sole fiunt quia eadem cunctis eveniunt unde et corda filiorum hominum implentur malitia et contemptu in vita sua et post haec ad inferos deducentur Eccl. 9:3
• perfruere vita cum uxore quam diligis cunctis diebus vitae instabilitatis tuae qui dati sunt tibi sub sole omni tempore vanitatis tuae haec est enim pars in vita et in labore tuo quod laboras sub sole Eccl. 9:9
• quia extincta cinis erit corpus et spiritus diffundetur tamquam mollis aer et transiet vita nostra tamquam vestigium nubis et sicut nebula dissolvetur quae fugata est a radiis solis et a calore illius adgravata Wis. 2:3
• gravis est nobis etiam ad videndum quoniam dissimilis est aliis vita illius et inmutatae sunt viae eius Wis. 2:15
• et aetas senectutis vita inmaculata Wis. 4:9
• et si divitiae appetuntur in vita quid sapientiae locupletius quae omnia operatur Wis. 8:5
• et si iustitiam quis diligit labores huius magnas habent virtutes sobrietatem enim et sapientiam docet et iustitiam et virtutem quibus utilius nihil est in vita hominibus Wis. 8:7
• unde et illis qui in vita sua insensate et iniuste vixerunt per haec quae coluerunt dedisti summa tormenta Wis. 12:23
• et pro sanitate quidem infirmum deprecatur et pro vita mortuum rogat et in adiutorium inutilem invocat Wis. 13:18
• sed est illi cura non quia laboraturus est nec quoniam brevis illi vita est sed concertatur aurificibus et argentariis sed et aerarios imitatur et gloriam praefert quoniam res supervacuas fingit Wis. 15:9
• cinis est cor eius et terra supervacua spes illius et luto vilior vita illius Wis. 15:10
• sustine sustentationes Dei coniungere Deo et sustine ut crescat in novissimo vita tua Sir. 2:3
• qui honorat patrem suum vita vivet longiore et qui obaudit patrem refrigerabit matri Sir. 3:7
• fili suscipe senectam patris tui et ne contristes eum in vita illius Sir. 3:14
• noli adtendere ad possessiones iniquas et ne dixeris est mihi sufficiens vita nihil enim proderit in tempore vindictae et obductionis Sir. 5:1
• nihil est iniquius quam amare pecuniam hic enim et animam suam venalem habet quoniam in vita sua proiecit intima sua Sir. 10:10
• bona et mala vita et mors et paupertas et honestas a Deo sunt Sir. 11:14
• omni vita tua dilige Deum et invoca eum in salute tua Sir. 13:18
• ante hominem vita et mors bonum et malum quod placuerit ei dabitur illi Sir. 15:18
• qui gaudet iniquitati denotabitur et qui odit correptionem comminuetur vita et qui odit loquacitatem extinguit malitiam Sir. 19:5
• nequissimi enim nequissima vita super mortem fatui Sir. 22:12
• vita nequa hospitandi de domo in domum et ubi hospitabitur non fiducialiter aget nec aperiet os Sir. 29:30
• in vita ipsius vidit et laetatus est in illo in obitu illius non est contristatus nec confusus est coram inimicis Sir. 30:5
• melior est mors quam vita amara et requies aeterna quam languor perseverans Sir. 30:17
• iucunditas cordis haec est vita hominis et thesaurus sine defectione sanctitatis et exultatio viri est longevitas Sir. 30:23
• quis est hic et laudabimus eum fecit enim mirabilia in vita sua Sir. 31:9
• aequavit in vita vinum hominibus si bibas illud moderate eris sobrius Sir. 31:32
• quae est vita quae minuitur vino Sir. 31:33
• contra malum bonum est et contra mortem vita sic et contra virum iustum peccator et sic intuere in omnia opera Altissimi duo duo unum contra unum Sir. 33:15
• filio et mulieri fratri et amico non des potestatem super te in vita tua non dederis alio possessionem tuam ne forte paeniteat te et depreceris pro illis Sir. 33:20
• panis egentium vita pauperis est qui defraudat illum homo sanguinis Sir. 34:25
• verbum nequa inmutabit cor quattuor partes oriuntur bonum et malum vita et mors et dominatrix illorum est adsidua lingua Sir. 37:21
• vita viri in numero dierum dies autem Israhel innumerabiles sunt Sir. 37:28
• fili in vita tua tempta animam tuam et si fuerit nequam non des illi potestatem Sir. 37:30
• vita sibi sufficientis operarii condulcabitur et in ea invenies thesaurum Sir. 40:18
• vir respiciens in mensam alienam non est vita eius in cogitatione victus alit enim animam suam cibis alienis Sir. 40:30
• nam nos vita vivimus tantum post mortem autem non erit tale nomen nostrum Sir. 48:12
• in vita sua fecit monstra et in morte mirabilia opera ipsius Sir. 48:15
• Simon Onii filius sacerdos magnus qui in vita sua suffulsit domum et in diebus suis corroboravit Sir. 50:1
• et vita mea adpropinquans erat infero deorsum Sir. 51:9
• et erit omnis qui relictus fuerit in Sion et residuus in Hierusalem sanctus vocabitur omnis qui scriptus est in vita in Hierusalem Isa. 4:3
• generatio mea ablata est et convoluta est a me quasi tabernaculum pastorum praecisa est velut a texente vita mea dum adhuc ordirer succidit me de mane usque ad vesperam finies me Isa. 38:12
• Domine sic vivitur et in talibus vita spiritus mei corripies me et vivificabis me Isa. 38:16
• SADE lapsa est in lacu vita mea et posuerunt lapidem super me Lam. 3:53
• et orate pro vita Nabuchodonosor regis Babyloniae et pro vita Balthasar filii eius ut sint dies ipsorum sicut dies caeli super terram Bar. 1:11
• quia qui vendit ad id quod vendidit non revertetur et adhuc in viventibus vita eorum visio enim ad omnem multitudinem eius non regredietur et vir in iniquitate vitae suae non confortabitur Ezec. 7:13
• in praeceptis meis ambulaverit et iudicia mea custodierit ut faciat veritatem hic iustus est vita vivet ait Dominus Deus Ezec. 18:9
• a pauperis iniuria averterit manum suam usuram et superabundantiam non acceperit iudicia mea fecerit in praeceptis meis ambulaverit hic non morietur in iniquitate patris sui sed vita vivet Ezec. 18:17
• et dicitis quare non portavit filius iniquitatem patris videlicet quia filius iudicium et iustitiam operatus est omnia praecepta mea custodivit et fecit illa vita vivet Ezec. 18:19
• si autem impius egerit paenitentiam ab omnibus peccatis suis quae operatus est et custodierit universa praecepta mea et fecerit iudicium et iustitiam vita vivet non morietur Ezec. 18:21
• considerans enim et avertens se ab omnibus iniquitatibus suis quas operatus est vita vivet et non morietur Ezec. 18:28
• etiam si dixero iusto quod vita vivat et confisus in iustitia sua fecerit iniquitatem omnes iustitiae eius oblivioni tradentur et in iniquitate sua quam operatus est in ipsa morietur Ezec. 33:13
• pignus restituerit ille impius rapinamque reddiderit in mandatis vitae ambulaverit nec fecerit quicquam iniustum vita vivet et non morietur Ezec. 33:15
• omnia peccata eius quae peccavit non inputabuntur ei iudicium et iustitiam fecit vita vivet Ezec. 33:16
• et nunc Domine tolle quaeso animam meam a me quia melior est mihi mors quam vita Jonas 4:3
• accensusque animis Andronicum purpura exutum circumduci per totam civitatem iubet et eodem loco quo in Onian impietatem commiserat sacrilegum vita privari Domino illi dignam poenam tribuente 2 Ma. 4:38
• sed cum falsus rumor exisset tamquam vita excessisset Antiochus adsumptis Iason non minus mille viris repente adgressus est civitatem et civibus ad murum convolantibus ad ultimum adprehensa civitate Menelaus fugit in arcem 2 Ma. 5:5
• et iste quidem hoc modo vita decessit non solum iuvenibus sed et universae genti memoriam mortis suae ad exemplum virtutis et fortitudinis derelinquens 2 Ma. 6:31
• et in ultimo spiritu constitutus ait tu quidem scelestissime in praesenti vita nos perdis sed rex mundi defunctos nos pro suis legibus in aeternae vitae resurrectione suscitabit 2 Ma. 7:9
• igitur homicida et blasphemus pessime percussus et ut ipse alios tractaverat peregre in montibus miserabili obitu vita functus est 2 Ma. 9:28
• et stans super petram quandam praeruptam et iam exsanguis effectus conplexus intestina sua utrisque manibus proiecit super turbas invocans Dominatorem vitae ac spiritus ut haec illi iterum redderet atque ita vita defunctus est 2 Ma. 14:46
• dixitque ad illos videte et cavete ab omni avaritia quia non in abundantia cuiusquam vita eius est ex his quae possidet Lk. 12:15
• et dixit illi Abraham fili recordare quia recepisti bona in vita tua et Lazarus similiter mala nunc autem hic consolatur tu vero cruciaris Lk. 16:25
• in ipso vita erat et vita erat lux hominum Jn. 1:4
• ego sum panis vivus qui de caelo descendi si quis manducaverit ex hoc pane vivet in aeternum et panis quem ego dabo caro mea est pro mundi vita Jn. 6:51
• spiritus est qui vivificat caro non prodest quicquam verba quae ego locutus sum vobis spiritus et vita sunt Jn. 6:63
• dixit ei Iesus ego sum resurrectio et vita qui credit in me et si mortuus fuerit vivet Jn. 11:25
• et scio quia mandatum eius vita aeterna est quae ergo ego loquor sicut dixit mihi Pater sic loquor Jn. 12:50
• dicit ei Iesus ego sum via et veritas et vita nemo venit ad Patrem nisi per me Jn. 14:6
• haec est autem vita aeterna ut cognoscant te solum verum Deum et quem misisti Iesum Christum Jn. 17:3
• in humilitate iudicium eius sublatum est generationem illius quis enarrabit quoniam tollitur de terra vita eius Acts 8:33
• si enim cum inimici essemus reconciliati sumus Deo per mortem Filii eius multo magis reconciliati salvi erimus in vita ipsius Rom. 5:10
• si enim in unius delicto mors regnavit per unum multo magis abundantiam gratiae et donationis et iustitiae accipientes in vita regnabunt per unum Iesum Christum Rom. 5:17
• stipendia enim peccati mors gratia autem Dei vita aeterna in Christo Iesu Domino nostro Rom. 6:23
• nam prudentia carnis mors prudentia autem Spiritus vita et pax Rom. 8:6
• si autem Christus in vobis est corpus quidem mortuum est propter peccatum spiritus vero vita propter iustificationem Rom. 8:10
• certus sum enim quia neque mors neque vita neque angeli neque principatus neque instantia neque futura neque fortitudines Rom. 8:38
• si enim amissio eorum reconciliatio est mundi quae adsumptio nisi vita ex mortuis Rom. 11:15
• sive Paulus sive Apollo sive Cephas sive mundus sive vita sive mors sive praesentia sive futura omnia enim vestra sunt 1 Cor. 3:22
• si in hac vita tantum in Christo sperantes sumus miserabiliores sumus omnibus hominibus 1 Cor. 15:19
• semper mortificationem Iesu in corpore nostro circumferentes ut et vita Iesu in corporibus nostris manifestetur 2 Cor. 4:10
• semper enim nos qui vivimus in mortem tradimur propter Iesum ut et vita Iesu manifestetur in carne nostra mortali 2 Cor. 4:11
• ergo mors in nobis operatur vita autem in vobis 2 Cor. 4:12
• nam et qui sumus in tabernaculo ingemescimus gravati eo quod nolumus expoliari sed supervestiri ut absorbeatur quod mortale est a vita 2 Cor. 5:4
• tenebris obscuratum habentes intellectum alienati a vita Dei per ignorantiam quae est in illis propter caecitatem cordis ipsorum Eph. 4:18
• mortui enim estis et vita vestra abscondita est cum Christo in Deo Col. 3:3
• cum Christus apparuerit vita vestra tunc et vos apparebitis cum ipso in gloria Col. 3:4
• qui ignoratis quid erit in crastinum quae enim est vita vestra vapor est ad modicum parens deinceps exterminatur Jas. 4:14
• et vita manifestata est et vidimus et testamur et adnuntiamus vobis vitam aeternam quae erat apud Patrem et apparuit nobis 1 Jn. 1:2
• et hoc est testimonium quoniam vitam aeternam dedit nobis Deus et haec vita in Filio eius est 1 Jn. 5:11
• et scimus quoniam Filius Dei venit et dedit nobis sensum ut cognoscamus verum Deum et simus in vero Filio eius hic est verus Deus et vita aeterna 1 Jn. 5:20
• et ascendit super currum secundarium suum, et perveniens Hierosolymam vita functus est, et sepultus est in paterno sepulchro. 3 Esd. 1:31
• ut offerantur libationes Deo summo pro rege et pueris eius, et orent pro ipsorum vita. 3 Esd. 6:31
• et pertransivimus de saeculo ut lucustae, et vita nostra ut vapor, et nec digni sumus misericordiam consequi. 4 Esd. 4:24
• respondit ad me et dixit: de signis de quibus me perrogas, ex parte possum tibi dicere, de vita autem tua non sum missus dicere tibi, sed nescio. 4 Esd. 4:52
• increvit enim in nos cor malum, quod nos abalienavit ab his et deduxit nos in corruptionem, et itinera mortis ostendit nobis, semitas perditionis, et longe fecit nos a vita; et hoc non paucos, sed paene omnes qui creati sunt. 4 Esd. 7:48
• ordo primus, quoniam cum labore multo certati sunt, ut vincerent cum eis plasmatum cogitamentum malum, ut non eas seducat a vita ad mortem. 4 Esd. 7:92
• est enim mihi vere vita in Christo et mori gaudium. Lao. 1:8
• ergo, dilectissimi, ut audistis praesentia mei, ita retinete et facite in timore Dei, et erit vobis vita in aeternum; Lao. 1:10